ადგილობრივი დროით 20:00 საათისთვის დონბასში ვითარება დაძაბულია, თუმცა კონტროლს ექვემდებარება-ინფორმაციას უკრაინის შეიარაღებული ძალების გენერალური შტაბი ავრცელებს.

„რუსეთის საოკუპაციო ჯარების დაბომბვა გრძელდება. ყველა სამხედრო ნაწილი სასტიკ წინააღმდეგობას უწევს რუსეთის შემოჭრას და უკრაინელი ჯარისკაცები აჩვენებენ უპრეცედენტო გამბედაობას და გმირობას. გაერთიანებულმა ძალებმა შეძლეს ჩაეშალათ კრემლის სწრაფი შეტევის გეგმა", - ნათქვამია მოხსენებაში.

მასში ასევე ნათქვამია, რომ მტრის მრავალი თავდასხმის, ავიაციის, საარტილერიო და სარაკეტო დარტყმების, ასევე დიდი რაოდენობით ჯავშანტექნიკის მიუხედავად, მტერმა ვერ შეძლო უკრაინის სიღრმეში აღმოსავლეთის მიმართულებით წინსვლა.