პრეზიდენტმა ვლადიმირ ზელენსკიმ ხელი მოაწერა განკარგულებას საყოველთაო მობილიზაციის შესახებ.

განკარგულების თანახმად, მობილიზაცია განხორციელდება დადგენილების ძალაში შესვლიდან 90 დღის ვადაში უკრაინის მთელ ტერიტორიაზე.

დადგენილება ითვალისწინებს, სამხედრო ფორმირებების საჭიროებების დასაკმაყოფილებლად წვევამდელების, რეზერვისტების გამოძახებას.

გენერალურ შტაბს ევალება მობილიზაციის მთლიანი პერიოდის განმავლობაში წვევამდელების, რეზერვისტებისა და სატრანსპორტო საშუალებების გაწვევის რიგისა და მოცულობის განსაზღვრა.

მინისტრთა კაბინეტს დაევალა ფინანსური მხარდაჭერისა და სხვა ზომების უზრუნველყოფა, რაც მიმდინარე მობილიზაციასთან არის დაკავშირებული.