ვლადიმერ ზელენსკი - დღეს ევროპის 27 ლიდერს ვკითხე, იქნება თუ არა უკრაინა ნატოში? - ყველას ეშინია, არ მპასუხობენ - ჩვენ მარტო დავრჩით ჩვენი სახელმწიფოს დასაცავად

დღეს ევროპის 27 ლიდერს ვკითხე, იქნება თუ არა უკრაინა ნატოში? პირდაპირ ვკითხე, ყველას ეშინია, არ მპასუხობენ - ჩვენ არ გვეშინია, არაფრის გვეშინია, - ამის შესახებ უკრაინის პრეზიდენტმა ვლადიმერ ზელენსკიმ განაცხადა.

"ჩვენ არ გვეშინია რუსეთთან ლაპარაკის, არ გვეშინია ჩვენი სახელმწიფოსთვის უსაფრთხოების გარანტიებზე საუბრის. არ გვეშინია ნეიტრალურ სტატუსზე საუბრის,"- აღნიშნა ზელენსკიმ.

როგორც მან „ფეისბუქზე“ გამოქვეყნებულ ვიდეო მიმართვაში თქვა, სხვა სახელმწიფოებს „ეშინიათ“ მხარი დაუჭირონ უკრაინის ნატოში გაწევრიანებას.

„ვინ არის მზად უკრაინის ნატოში გაწევრიანების გარანტიისთვის? ყველას ეშინია”, - აღნიშნა ზელენსკიმ.

ზელენსკის თქმით, ყველა პარტნიორს ჰკითხა, არიან თუ არა უკრაინასთან.

„ისინი ჩვენთან არიან, მაგრამ არ არიან მზად, რომ ალიანსში მიგვიღონ“, -დასძინა მან.

„მადლობელი ვარ თითოეული სახელმწიფოსი, რომელიც გვეხმარება კონკრეტულად და არა მხოლოდ სიტყვებით. მაგრამ არის მეორე - ჩვენ მარტო დავრჩით ჩვენი სახელმწიფოს დასაცავად“, - განაცხადა უკრაინის პრეზიდენტმა.

უკრაინის პრეზიდენტის ვლადიმირ ზელენსკის განცხადებით, რუსეთის შეჭრის შემდეგ, წინასწარი მონაცემებით, სულ მცირე 137 უკრაინელი დაიღუპა , 316 კი დაიჭრა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს