სისხლის სამართლის საერთაშორისო სასამართლოს განცხადებით, ის აკვირდება უკრაინაში მიმდინარე პროცესებს და მზად არის გამოიძიოს გენოციდის ნებისმიერი აქტი და ომის დანაშაული, რომელიც ჩადენილია უკრაინის ტერიტორიაზე 2014 წლიდან მოყოლებული.

„უკრაინის ტერიტორიაზე საბრძოლო მოქმედებების მწარმოებელ ყველა მხარეს შევახსენებ, რომ ჩემმა ოფისმა შეიძლება თავისი იურისდიქციის ფარგლებში გამოიძიოს გენოციდის ნებისმიერი აქტი, კაცობრიობის წინაშე ჩადენილი დანაშაული და ომის დანაშაული, რომელიც ჩადენილი იქნება უკრაინის ტერიტორიაზე 2014 წლის 20 თებერვლიდან მოყოლებული. ჩემი ოფისი გააგრძელებს უკრაინაში არსებული ვითარების მონიტორინგს. მისი მანდატის დამოუკიდებლად და მიუკერძოვებლად განხორციელების ფარგლებში ოფისი რჩება სრულყოფილად ერთგული სისასტიკით ჩადენილი დანაშაულების პრევენციისა“, - განაცხადა სისხლის სამართლის საერთაშორისო სასამართლოს პროკურორმა კარიმ ასად აჰმად ხანმა.