ფორმულა 1-მა უკრაინაში მიმდინარე მოვლენების გამო, სოჭში 25 სექტემბერს დაგეგმილი ღონისძიება გააუქმა.
როგორც ორგანიზაციის ოფიციალურ განცხადებაშია ნათქვამი, უკრაინაში განვითარებულ მოვლენებს მწუხარებით, არსებული სიტუაციის სწრაფი და მშვიდობიანი მოგვარების იმედით ადევნებენ თვალს. ამასთან, ყველა დაინტერესებული მხარის მოსაზრებაა, რომ რუსეთის გრან-პრის ჩატარება არსებულ ვითარებაში შეუძლებელია.
„ფორმულა 1-ის მსოფლიო ჩემპიონატი მთელს მსოფლიოს სტუმრობს პოზიტიური ხედვით, რომ გააერთიანოს ხალხი და ერები. ჩვენ თვალს ვადევნებთ უკრაინაში განვითარებულ მოვლენებს მწუხარებითა და შოკით და არსებული სიტუაციის სწრაფი და მშვიდობიანი მოგვარების იმედით. ხუთშაბათს საღამოს ფორმულა 1-მა და გუნდებმა განიხილეს ჩვენი სპორტის პოზიცია და დასკვნა, ყველა შესაბამისი დაინტერესებული მხარის მოსაზრების ჩათვლით, არის, რომ რუსეთის გრან-პრის ჩატარება არსებულ ვითარებაში შეუძლებელია“, - ნათქვამია განცხადებაში.