უკრაინის უმაღლესი რადა მსოფლიოს პარლამენტებსა და მთავრობებს მოუწოდებს, ჩაკეტონ ცა კიევისა და ჩერნობილის ატომური ელექტროსადგურის თავზე

უკრაინის უმაღლესმა რადამ მსოფლიოს მასშტაბით პარლამენტებსა და მთავრობებს მიმართა უკრაინის თავზე ცა ნაწილობრივ ჩაკეტონ.

ამის შესახებ უკრაინის პარლამენტის სპიკერმა რუსლან სტეფანჩუკმა განაცხადა.

მისი განცხადებით, რუსეთის რეჟიმი ბომბავს კიევს, ხარკოვს, სუმის, ჰერსონს და სხვა დასახლებულ პუნქტებს. რისკის ქვეშ აღმოჩნდა ჩერნობილის ატომური ელექტროსადგურიც.

„უმაღლესი რადას სახელით მივმართავ მსოფლიო პარლამენტებსა და მთავრობებს. გრძელდება რუსეთის ფედერაციის სრულმასშტაბიანი აგრესია უკრაინის წინააღმდეგ. მშვიდობიანი ქალაქები აღმოჩნდა ავია და სარაკეტო დარტყმების ქვეშ, არის მსხვერპლი მშვიდობიან მოსახლეობას შორის. რუსეთის რეჟიმი ბომბავს კიევს, ხარკოვს, სუმის, ჰერსონს და სხვა დასახლებულ პუნქტებს. რისკის ქვეშ აღმოჩნდა ჩერნობილის ატომური ელექტროსადგური, რომელიც მტრის მიერ არის დაკავებული. ოკუპანტებმა თავისი მოქმედებებით შეიძლება მიგვიყვანონ ეკოლოგიურ სა ტექნოლოგიურ კატასტროფამდე“, - ნათქვამია განცხადებაში.

ამასთანავე, მან აღნიშნა, რომ უკრაინის შეიარაღებული ძალები მტერს ღირსეულ წინააღმდეგობას უწევენ.

„ჩვენ ვიცავთ არა მხოლოდ ჩვენი ქვეყნის ტერიტორიულ მთლიანობას, არამედ იმ ღირებულებებს, რომელსაც ეფუძნება ცივილიზებული სამყარო, ევროკავშირი და ნატო. ევროპისა და მსოფლიოს უსაფრთხოება საფრთხის ქვეშაა. მოგიწოდებთ გადამწყვეტად და ერთად გავუწიოთ წინააღმდეგობა ევროპული უსაფრთხოების სამართალწესრიგის განადგურების მცდელობას. იმისთვის, რათა მშვიდობიან მოსახლეობაში მსხვერპლის რაოდენობა მინიმუმადე დავიყვანოთ, დავიცვათ უდანაშაულო უკრაინელი ბავშვებისა და ქალების სიცოცხლე, მსოფლიო კი ახალი ბირთვული კატასტროფისგან ვიხსნათ, მოგიწოდებთ ჩაკეტოთ ცა კიევისა და ჩერნობილის ატომური ელექტროსადგურის გამოყოფილი ზონის თავზე“, - განაცხადა სტეფანჩუკმა.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია