ჩვენი კოლექტიური პასუხი უნდა იყოს მეტი მხარდაჭერა ისეთ ქვეყნებს, როგორებიცაა საქართველო, მოლდოვა და ბოსნია და ჰერცეგოვინა, - ამის შესახებ ნატო-ს გენერალურმა მდივანმა იენს სტოლტენბერგმა უკრაინაში რუსეთის სამხედრო აგრესიასთან დაკავშირებით გამართულ პრესკონფერენციაზე განაცხადა.

სტოლტენბერგის თქმით, "კრემლს სურს, რომ ნატომ და ევროკავშირმა პარტნიორებს ნაკლები მხარდაჭერა გაუწიონ".

„ჩვენი კოლექტიური პასუხი უნდა იყოს მეტი მხარდაჭერა ისეთ ქვეყნებს, როგორებიცაა საქართველო, მოლდოვა და ბოსნია და ჰერცეგოვინა. ჩვენ უნდა დავეხმაროთ მათ დემოკრატიული რეფორმების წარმატებით გატარებაში და იმ გზის გაგრძელებაში, რომელიც მათ ნებაყოფლობით აირჩიეს“, - განაცხადა სტოლტენბერგმა.