ევროკავშირის საერთაშორისო საქმეთა საბჭომ სანქციების მეორე პაკეტი დაამტკიცა, რომელიც რუსეთის პრეზიდენტის ვლადიმერ პუტინისა და საგარეო საქმეთა მინისტრის სერგეი ლავროვისადმი შემზღუდავ ზომებს მოიცავს.

ამის შესახებ „ტვიტერის“ პირად გვერდზე ლატვიის საგარეო საქმეთა მინისტრმა ედგარს რინკევიჩსმა დაწერა.

„საერთაშორისო საქმეთა საკითხებში ევროკავშირის საბჭომ ახლახანს დაუჭირა მხარი სანქციების მეორე პაკეტს რუსეთის პრეზიდენტის ვლადიმერ პუტინისა და საგარეო საქმეტა მინისტრის სერგეი ლავროვის წინააღმდეგ. მზადდება მესამე პაკეტი“ , - წერს რინკევიჩსი.

რუსეთის საგარეო საქმეთა სამინისტროს წარმომადგენელმა მარია ზახაროვამ განაცხადა, რომ მოსკოვს ევროკავშირის სანქციებზე რეაგირება ექნება.

„სანქციებს ვუპასუხებთ ისე, როგორც ყოველთვის ვპასუხობდით. ყველაფერს დანარჩენს ისე გავაკეთებთ, როგორც ჩვენ გვაწყობს. თავის მართლებას და ანგარიშის ჩაბარებას არ მივიჩნევთ საჭიროდ“ , - განაცხდა ზახაროვამ.