ევროკავშირის მიერ სანქცირებული ლიდერები არიან ასადი სირიიდან, ლუკაშენკო ბელარუსიდან და პუტინი რუსეთიდან, - ამის შესახებ ევროკავშირის საგარეო საქმეთა და უსაფრთხოების პოლიტიკის საკითხებში უმაღლესმა კომისარმა ჯოზეფ ბორელმა ბრიუსელში ევროკავშირის საგარეო საქმეთა საბჭოს შემდეგ გამართულ პრესკონფერენციაზე განაცხადა.
ბორელმა ხაზგასმით აღნიშნა, რომ ევროკავშირს სანქცირებული ჰყავს მხოლოდ ბაშარ ალ ასადი და ალექსანდრ ლუკაშენკოს, რომელთაც ახლა დაემატა "პუტინი რუსეთიდან".
„ნება მომეცით აღვნიშნო, რომ მსოფლიოში ერთადერთი ლიდერები, რომლებიც ევროკავშირის მიერ არიან სანქცირებული, არიან ასადი სირიიდან, ლუკაშენკო ბელარუსიდან და, ახლა, პუტინი რუსეთიდან“,- განაცხადა ჯოზეფ ბორელმა.