კანადის პრემიერ-მინისტრმა ჯასტინ ტრუდომ განაცხადა, რომ ქვეყანა შეუერთდება აშშ-ს, დიდ ბრიტანეთს და ევროკავშირს რუსეთის პრეზიდენტის ვლადიმერ პუტინისა და საგარეო საქმეთა მინისტრის სერგეი ლავროვის წინააღმდეგ სანქციების დაწესებაში.

ოტავას პარლამენტში გამართულ პრესკონფერენციაზე საუბრისას მან განაცხადა, რომ პუტინის „საკუთარი პირადი სიმდიდრე... მნიშვნელოვანი რისკის ქვეშა მისი საშინელი შეცდომის გამო“.

„ჩვენ დავუწესებთ სანქციებს პრეზიდენტ პუტინს და მის კოლეგებს ამ ბარბაროსული ომის არქიტექტორებს“, - აღნიშნა მან და დასძინა, რომ სანქციები დაწესდება ბელარუსის ლიდერებზეც, რუსეთის შეჭრის მხარდაჭერის გამო.