უკრაინის პრეზიდენტ ვოლოდიმირ ზელენსკის და რუსეთის პრეზიდენტ ვლადიმირ პუტინს შორის დიალოგის დროს შესაძლებელია უკრაინის ნეიტრალიტეტის სტატუსის განხილვა მოხდეს.

ინფორმაციას უკრაინული მედია პრეზიდენტის აპარატის უფროსის მრჩეველის მიხაილ პოდოლიაკის განცხადებაზე დაყრდნობით ავრცელებს.

"ეს იქნება, უპირველეს ყოვლისა, დეტალური საუბარი მშვიდობისა და ცეცხლის შეწყვეტის შესახებ. ნეიტრალური სტატუსი უსაფრთხოების გარანტიების მკაფიო პაკეტით არის ვარიანტი, რომელიც ასევე შეიძლება იყოს მაგიდაზე", - თქვა პოდოლიაკმა.

მანამდე პრეზიდენტის პრესსპიკერმა სერგეი ნიკიფოროვმა განაცხადა, რომ უკრაინის ხელმძღვანელობა დათანხმდა რუსეთის პრეზიდენტის ვლადიმერ პუტინის წინადადებას მოლაპარაკებების გამართვის შესახებ