ამერიკის შეერთებული შტატების პრეზიდენტმა, ჯო ბაიდენმა სახელმწიფო მდივანს, ენტონი ბლინკენს, დაავალა უკრაინის უსაფრთხოებისა და თავდაცვისთვის 350 მილიონი აშშ დოლარი გამოიყოს, - ამის შესახებ თეთრი სახლის მიერ გავრცელებულ ინფორმაციაშია აღნიშნული.

CNN-ის ცნობით, სახელმწიფო დეპარტამენტი, სავარაუდოდ, უახლოეს მომავალში გაავრცელებს განცხადებას დამატებითი დეტალებით.

მათივე განმარტებით, ეს ამერიკის შეერთებული შტატების მიერ უკრაინის დასახმარებლად გამოყოფილი უკვე მესამე ფინანსური დახმარებაა. პირველი შეადგენდა 60 მილიონ დოლარს, მეორე კი- 250 მილიონ დოლარს.

შეგახსენებთ, ჯო ბაიდენსა და ვოლოდიმირ ზელენსკის შორის 40 წუთიანი სატელეფონო საუბარი გაიმართა, რომლის დროსაც პრეზიდენტებმა სანქციებსა და თავდაცვის დახმარებაზე ისაუბრეს.