ისრაელის საგარეო საქმეთა მინისტრის მითითებით, ისრაელის საელჩოს თანამშრომლები ქალაქ ლვოვიდან პოლონეთის ტერიტორიაზე გადავლენ.
მინისტრის განმარტებით, საელჩოს თანამშრომლები ყოველდღიურად დაბრუნდებიან უკრაინის ტერიტორიაზე მათი დიპლომატიური საქმიანობის შესასრულებლად და ისრაელის მოქალაქეების დასახმარებლად, რომლებიც ტოვებენ უკრაინის ტერიტორიას.
ისრაელის საგარეო საქმეთა სამინისტროს განმარტებით, აღნიშნული გადაწყვეტილება სხვადასხვა ასპექტის შეფასების შედეგად მიიღეს, მათ შორის ადგილზე არსებული ვითარების გაანალიზებით.
ცნობისთვის, ისრაელის საელჩოს თანამშრომლებმა კიევიდან ლვოვში მიმდინარე კვირის დასაწყისში გადაინაცვლეს.