თურქეთის პოლიტიკასთან დაკავშირებით ბევრი სპეკულაცია და კომენტარი არსებობს, ყველა დარწმუნებული უნდა იყოს, რომ თურქეთის დიპლომატიური ქმედებები და კოორდინაცია მოკავშირეებთან ყოველთვის იქნება ორიენტირებული იმაზე, თუ როგორ მივაღწიოთ კონფლიქტის სწრაფ და მშვიდობიან მოგვარებას, - ამის შესახებ თურქეთის პრეზიდენტის, რეჯეფ თაიფ ერდოღანის პრესსპიკერმა, ფაჰრეთინ ალთუნმა განაცხადა.

მისი თქმით, რეჯეფ თაიფ ერდოღანი რუსეთსა და უკრაინას შორის შუამავლობის ინიციატივით გამოვიდა.

„ჩვენს რეგიონში კიდევ ერთი ომის მომსწრენი ვართ. პრეზიდენტი ერდოღანი რუსეთსა და უკრაინას შორის შუამავლობის ინიციატივით გამოვიდა, რადგან ჩვენ ორივე ქვეყანასთან მტკიცე ურთიერთობა გვაქვს. მან ასევე მოუწოდა მოკავშირეებს ერთიანი პოზიციის დაცვისკენ“,- აღნიშნა ერდოღანის პრესსპიკერმა.