მიუხედავად იმისა, რომ ყველასთვის ცენტრშია უკრაინა და უკრაინაში განვითარებული ძალიან მძიმე მოვლენები, ამ დროს საქართველოს მდგომარეობა არ არის მივიწყებული. ევროკავშირისთვის მნიშვნელოვანია, რომ გაგრძელდეს ჩვენი გზა ევროპისკენ, - ამის შესახებ საქართველოს პრეზიდენტმა, სალომე ზურაბიშვილმა ბრიუსელში განაცხადა.

როგორც პრეზიდენტი აღნიშნავს, ევროპული საბჭოს თავმჯდომარე შარლ მიშელთან მეგობრული საუბარი ჰქონდა.

"მადლობელი ვარ, რომ მომეცა საშუალება და შევხვდი ჯერ ურსულა ფონ დერ ლაიენს და შემდეგ შარლ მიშელს. ორივესთან მქონდა ძალიან მეგობრული საუბარი. მინდოდა, იმის მოსმენა, რომ დღევანდელ დღეს მიუხედავად იმისა, რომ ყველასთვის ცენტრშია უკრაინა და უკრაინაში განვითარებული ძალიან მძიმე მოვლენები, სოლიდარობა რუსული აგრესიის წინააღმდეგ, ამ დროს საქართველოს მდგომარეობა არ არის მივიწყებული. ჩვენ აქ ვართ. ევროკავშირისთვის მნიშვნელოვანია, რომ გაგრძელდეს ჩვენი გზა ევროპისკენ. მივიღოთ ის ზომები და რეფორმები რაც აუცილებელია. ჩვენი და სხვა ასოცირებული ქვეყნების მომავალს, დღეს ალბათ ახალი მოვლენებია და ახალი გარემო, რომელიც მისცემს ახალ პერსპექტივას, ამისთვის ჩვენ ყველანი მზად უნდა ვიყოთ“,- აღნიშნავს პრეზიდენტი.