ვამაყობ, რომ ვარ ამ სამყაროს ნაწილი, რუსეთის ძლევამოსილი, ძლიერი ერის ნაწილი, - ამის შესახებ რუსეთის პრეზიდენტმა ვლადიმერ პუტინმა განაცხადა.

მისი თქმით, უკრაინაში ე.წ. „სპეციალური სამხედრო ოპერაცია“ გეგმისა და გრაფიკის მიხედვით მიმდინარეობს.

„მინდა ვთქვა, რომ სპეციალური სამხედრო ოპერაცია გეგმის მიხედვით, განრიგის მკაცრი დაცვით მიმდინარეობს. ყველა დაკისრებული ამოცანა წარმატებით წყდება", - განაცხადა პუტინმა რუსეთის უშიშროების საბჭოს მუდმივ წევრებთან შეხვედრაზე.

მისი თქმით, ამაყობს, რომ არის „ძლიერი რუსი ერის“ ნაწილი.

„ვამაყობ, რომ ვარ ამ სამყაროს ნაწილი, რუსეთის ძლევამოსილი, ძლიერი ერის ნაწილი", - აღნიშნა პუტინმა.