სალომე სამადაშვილი დავით ნარმანიას - იქნებ მოვისმინოთ ახსნა, როგორ მოახერხა „ქართულმა ოცნებამ“, რომ ენერგეტიკის სფეროში რუსეთზე დამოკიდებულება მკვეთრად არის გაზრდილი?!

იქნებ მოვისმინოთ ახსნა, როგორ მოახერხა „ქართულმა ოცნებამ“, რომ გასული წლების მანძილზე ჩვენი ქვეყნის დამოკიდებულება რუსეთზე ენერგეტიკის სფეროში არის მკვეთრად გაზრდილი?! თუ ეს ასე არ არის, გთხოვთ წარმოადგინოთ სტატისტიკური მონაცემები, - ამ შეკითხვით პარტია „ლელოს“ დეპუტატმა სალომე სამადაშვილმა პარლამენტის პლენარულ სხდომაზე სემეკ-ის თავმჯდომარე დავით ნარმანიას მიმართა.

სამადაშვილის განცხადებით, ციფრები, რომელიც ჩვენ ენერგეტიკის სფეროში, რუსეთთან მიმართებით გვაქვს, უკიდურესად შემაშფოთებელია და იმპორტირებული ელექტროენერგიის 60%-ს სწორედ რუსეთიდან ვიღებთ.

,,ჩემი შეკითხვა ეხება ქვეყნის მთავარ გამოწვევას - ენერგეტიკულ უსაფრთხოებას. თქვენგან უნდა მოვისმინოთ გასაგებად ახსნილი პასუხები საზოგადოებისთვის. დღეს, როდესაც რუსეთის თავდასხმის ფონზე მთავარ დღის წესრიგს წარმოადგენს ენერგეტიკული უსაფრთხოების უზრუნველყოფა საკუთარი ქვეყნებისთვის, საინტერესო იქნებ მოვისმინოთ ახსნა, როგორ მოახერხა „ქართულმა ოცნებამ“, რომ გასული წლების მანძილზე ჩვენი ქვეყნის დამოკიდებულება რუსეთზე ენერგეტიკის სფეროში არის მკვეთრად გაზრდილი. თუ ეს ასე არ არის, გთხოვთ წარმოადგინოთ სტატისტიკური მონაცემები. ციფრები, რომელიც ჩვენ გვაქვს არის უკიდურესად შემაშფოთებელი, ელექტროენერგიის იმპორტი 2014 წლის შემდეგ გაორმაგებულია და 60%-ს ვიღებთ იმპორტირებული ელექტროენერგიის რუსეთიდან. რაც შეეხება ბუნებრივ აირს, მხოლოდ 1 წლის მანძილზე 12%-ით გაიზარდა რუსეთიდან შემოსული ენერგომატარებელი ჩვენს ეკონომიკურ სისტემაში. როდესაც კახა კალაძე იყო ენერგეტიკის მინისტრი, საზოგადოებას ატყუებდა, გაიძურწა „გაზპრომთან“ მოლაპარაკებებზე და გვატყუებდა, რომ ენერგეტიკის სისტემის დივერსიფიკაციას ახდენდა, რა იყო ამ დივერსიფიკაციის მიზანი, რომ რუსეთზე მეტად დამოკიდებული გავმხდარიყავით"? - აღნიშნა სალომე სამადაშვილმა.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე