,,საქართველოს მედიატორთა ასოციაციასა“ და ,,მცირე და საშუალო მეწარმეობის განვითარების ასოციაციას“ შორის ურთიერთთანამშრომლობის მემორანდუმი გაფორმდა.
როგორც საქართველოს მედიატორთა ასოციაციის მიერ გავრცელებულ ინფორმაციაშია ნათქვამი, მემორანდუმი მიზნად ისახავს საერთო ინტერესების სფეროში შემავალ აქტუალურ საკითხებზე თანამშრომლობას, ინსტიტუციური განვითარებისა და მისი პოპულარიზაციის მიზნით ერთობლივი ღონისძიებების, პროექტებისა და ინიციატივების განხორციელებას.
მათივე ცნობით, აღნიშნული ხელს შეუწყობს საქართველოში მედიაციის, როგორც დავის გადაწყვეტის ალტერნატიული საშუალების დანერგვა/პოპულარიზაციას და მცირე და საშუალო მეწარმეებისათვის მედიაციის მექანიზმის ხელმისაწვდომობას.
„მემორანდუმის ხელმოწერამდე სამუშაო შეხვედრაზე, მხარეებმა განიხილეს და დაგეგმეს მემორანდუმის ფარგლებში სხვადასხვა სამომავლო ერთობლივი აქტივობები, რომლებიც ხელშემწყობი იქნება მცირე და საშუალო მეწარმეებისათვის, მედიაციის მექანიზმის ინტეგრაციის კუთხით.
შეხვედრის დასასრულს მემორანდუმს ხელი მოაწერეს სსიპ “საქართველოს მედიატორთა ასოციაციის” თავმჯდომარემ ირაკლი ყანდაშვილმა და ,,მცირე და საშუალო მეწარმეობის განვითარების ასოციაციის“ (SMEDA) აღმასრულებელმა დირექტორმა - გიგა ფაიქიძემ”,- აღნიშნულია გავრცელებულ ინფორმაციაში.