უკრაინის ვიცე-პრემიერმა, ირინა ვერეშჩუკმა განაცხადა, რომ მარიუპოლში დანებებას და იარაღის დაყრას არ აპირებენ და ამის შესახებ რუსულ მხარეს უკვე შეატყობინეს.
„რაიმე დანებებაზე და იარაღის დაყრაზე საუბარი არ შეიძლება. ამის შესახებ ჩვენ უკვე შევატყობინეთ რუსულ მხარეს. მე დავწერე: "8-გვერდიან წერილზე დროის ხარჯვის ნაცვლად, უბრალოდ გახსენით დერეფანი ", - აღნიშნა უკრაინის ვიცე პრემიერ-მინისტრმა.
შეგახსენებთ, რუსეთი მარიუპოლის ოფიციალურ პირებს ჩაბარებისკენ მოუწოდებს და დროს დილის 5:00 საათამდე აძლევს. რუსული მხარე ასევე მოუწოდებს უკრაინელ სამხედროებს, იარაღი დაყარონ და ქალაქი ჰუმანიტარული დერეფნის საშუალებით დატოვონ.