დიმიტრი პესკოვი - რუსეთის ნავთობზე ემბარგოს დაწესება სერიოზულად გააუარესებს ენერგობალანსს ევროპაში, მსგავსი გადაწყვეტილება ყველას დაარტყამს

რუსეთის ნავთობზე ემბარგოს დაწესება სერიოზულად გააუარესებს ენერგობალანსს ევროპაში. მსგავსი გადაწყვეტილება ყველას დაარტყამს, - ამის შესახებ რუსეთის პრეზიდენტის ვლადიმერ პუტინის პრესმდივანმა დიმიტრი პესკოვმა განაცხადა.

„რეალურად, რამდენადაც ჩვენ ვიცით, რუსეთის ნავთობზე ემბარგოს დაწესების თემა აქტიურად განიხილება. ეს ძალიან რთული თემაა, რადგან მსგავსი ემბარგო მნიშვნელოვან გავლენას იქონიებს ნავთობის მსოფლიო ბაზარზე. ძალიან სერიოზულ და თანაც უარყოფით გავლენას იქონიებს ენერგობალანსზე ევროპის კონტინენტზე. ამასთან, ეს ამერიკის შეერთებულ შტატებს არ შეეხება და თავს ბევრად უკეთ იგრძნობს, ვიდრე ევროპელები. ევროპელებისთვის რთული იქნება. სავარაუდოდ, ეს სწორედ ისეთი გადაწყვეტილებაა, რომელიც ყველას დაარტყამს,“- განაცხადა პესკოვმა.

ცნობისთვის, დღეს „როიტერმა“ წყაროზე დაყრდნობით განაცხადა, რომ ევროკავშირში რუსეთის ნავთობზე ემბარგოს დაწესების შესაძლებლობას განიხილავენ და ასევე სანქციების მეხუთე ტალღაზე მსჯელობენ.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი