„თბილსერვის ჯგუფის“ ხელმძღვანელი - იმ ადგილებში, სადაც ბოლო 2 დღის განმავლობაში პრობლემა იყო, საზოგადოებრივი ტრანსპორტის გადაადგილება დილიდან აღდგება

„თბილსერვის ჯგუფის“ ხელმძღვანელის, დავით ფაჩულიას განცხადებით, იმ მონაკვეთებზე, სადაც დიდთოვლობის გამო პრობლემები იყო, საზოგადოებრივი ტრანსპორტის მოძრაობა დილიდან აღდგება.

ფაჩულიას თქმითვე, ამ ეტაპისთვის 4 000 ტონაზე მეტი ტექნიკური მარილია გამოყენებული, თუმცა, შიდა ქუჩებისთვის და ჩიხებისთვის დამატებით მარილია საჭირო.

„თბილისში დაახლოებით 12 დღეა ინტენსიური თოვაა. ბოლო 3 დღეა, რაც 100%-იანი თოვა გვაქვს, რაც გაწმენდით სამუშაოებს ართულებდა.

„თბილსერვისი“ 24 საათის განმავლობაში აქამდეც ასრულებდა მოვალეობას, თუმცა, ბოლო 3 დღის ინტენსიური თოვის გამო, დამატებითი რესურსის - სპეცტექნიკის გამოყოფა საჭირო გახდა, რაშიც თბილისის მუნიციპალიტეტი და თვითმმართველობა დაგვეხმარა, რის ხარჯზეც ქუჩების გახსნა მოხდა.

გვქონდა რამდენიმე პრობლემური მონაკვეთი: თბილისი-წყნეთის დამაკავშირებელი ცენტრალური გზა, ასევე თბილისიდან კოჯრის, კიკეთის მიმართულებით პრობლემა გვქონდა, საზოგადოებრივი ტრანსპორტი ვერ გადაადგილდებოდა. მაღალი გამავლობის მანქანებისთვის ყველა გზა გახსნილი იყო. უბრალოდ, შეფერხება იყო საზოგადოებრივი ტრანსპორტის გადაადგილებისთვის.

წყნეთის მიმართულებით, გუშინ, რამდენიმე საათში, დილითვე მოხდა პრობლემის აღმოფხვრა. რაც შეეხება კოჯორს და კიკეთს, უკვე დღესაც მიმდინარეობს გაწმენდითი სამუშაოები, სპეცტექნიკა მობილიზებულია და ხვალ, დილიდან უკვე იმ ადგილებში, სადაც ბოლო 2 დღის განმავლობაში პრობლემა გვქონდა, საზოგადოებრივი ტრანსპორტის გადაადგილება აღდგება“, - განაცხადა ფაჩულიამ.

გაიწმინდება თუ არა ბორდიულებიც, ფაჩულია პასუხობს, რომ ამას აქამდე აზრი არ ჰქონდა, ვინაიდან ინტენსიურად თოვდა.

„ბორდიულებს კი არა, ისეთი თოვა იყო, ცენტრალური გზის გაწმენდას ვერ ვასწრებდით. ძლიერი თოვა, ქარბუქი იყო, შედეგი ფაქტობრივად არ გვქონდა, ცენტრალური გზებიც ვერ გავწმინდეთ, ისე როგორც საჭირო იყო. როცა ასეთი ინტენსიური თოვაა, ბორდიულების გაწმენდას აზრი არ აქვს, ერთ საათში უბრუნდება საწყის მდგომარეობას. „თბილსერვის ჯგუფი“ ბოდიშს უხდის დედაქალაქის მოსახლეობას.

რაც შეეხება მეორე კატეგორიის ქუჩებს, ჩიხებს, ინტენსიური თოვა როცა შეწყდება, აუცილებლად მოვყვებით, ყველა ქუჩას გავწმდენთ, ყველა ბორდიულს დავასუფთავებთ, ეს ისედაც ჩვენს მოვალეობაში შედის, უბრალოდ ამას აქამდე აზრი არ ჰქონდა.

ცენტრალურ ქუჩებზე, სადაც ავტობუსები და საზოგადოებრივი ტრანსპორტი გადაადგილდება, დღეს, დღის ბოლომდე, თუ ინტესნიური თოვა არ დაიწყო, ფაქტობრივად ვასრულებთ სამუშაოებს და ცენტრალური ქუჩები დღეს, დღის ბოლომდე გახსნილი იქნება“, - განაცხადა ფაჩულიამ.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს