კობა გვენეტაძემ ფულის გლობალური კვირეულის საერთაშორისო პანელზე ფინანსური განათლების მნიშვნელობასა და საქართველოს გამოცდილებაზე ისაუბრა

ფულის გლობალურ კვირეულს მსოფლიოს მასშტაბით 170-ზე მეტ ქვეყანაში მეათე წელია აღნიშნავენ. ამის შესახებ ინფორმაციას ეროვნული ბანკი ავრცელებს.

მათი ცნობით, საქართველოს ეროვნული ბაკნის ინიციატივითა და ორგანიზებით, საქართველოში ფულის გლობალური კვირეული 2014 წლიდან აღინიშნება და მასში ყოველწლიურად ათზე მეტი ორგანიზაცია ერთვება.

„ეროვნული ბანკის პრეზიდენტმა, კობა გვენეტაძემ საიუბილეო კვირეულის გახსნით ღონისძიებაში მონაწილეობა მიიღო, რომელიც ეკონომიკური თანამშრომლობისა და განვითარების ორგანიზაციის ფინანსური განათლების საერთაშორისო ქსელის (OECD/INFE) ორგანიზებით გაიმართა.

კობა გვენეტაძემ კვირეულის გახსნისადმი მიძღვნილ პანელზე ვრცლად ისაუბრა ფინანსური განათლების მნიშვნელობაზე და მონაწილეებს ეროვნული ბანკის მიერ ამ მიმართულებით გადადგმული ნაბიჯები გააცნო. მან აღნიშნა, რომ ეროვნული ბანკი ფინანსურ განათლებას ყოველთვის განიხილავდა, როგორც მომხმარებელთა ფინანსური დაცვის სისტემის აუცილებელ ნაწილს, ამიტომ ბოლო ათწლეულის განმავლობაში ამ მიმართულებით მნიშვნელოვანი ცვლილებები განხორციელდა“,-აღნიშნულია ინფორმაციაში.

"2020 წელს საქართველოს ეროვნულმა ბანკმა, ფინანსური განათლების ეროვნული სტრატეგიის ფარგლებში, საზოგადოებას ახალი საგანმანათლებლო პლატფორმა - FinEdu.gov.ge წარუდგინა. FinEdu.gov.ge-ზე თავმოყრილია ფინანსური განათლების თემაზე არსებული საჭირო ინფორმაცია, მათ შორის, სასარგებლო რჩევები, კალკულატორები, პუბლიკაციები, ბროშურები, თემატური სახელმძღვანელოები და ბლოგი. აღსანიშნავია, რომ FinEdu.gov.ge მომხმარებელს მიუკერძოებელ და მოქმედ კანონმდებლობასთან შესაბამის ინფორმაციას აწვდის. პლატფორმის მომხმარებლები ძირითადად ახალგაზრდები არიან. ვფიქრობთ, აუდიტორიის მოსაზიდად უახლოეს წლებში ჩვენი მთავარი ინსტრუმენტები ონლაინ საკომუნიკაციო არხების განვითარება და სხვადასხვა აქტივობის განხორციელება იქნება. ქვეყანაში ფინანსური განათლების დონის ამაღლების მიღწევა მხოლოდ ყოვლისმომცველი მიდგომით და ერთობლივი ძალისხმევითაა შესაძლებელი. გასათვალისწინებელია, რომ ის აუდიტორია, რომელზეც ახლა ფოკუსირებულია ჩვენი საქმიანობა, 10 წელიწადში ფინანსურ ცხოვრებაში აქტიურად ჩართული თაობა იქნება. ამიტომ, იმედი მაქვს, რომ ფინანსური წიგნიერებისკენ მიმართული ჩვენი ძალისხმევა მათ პასუხისმგებლიანი და ჯანსაღი ფინანსური გადაწყვეტილებების მიღებაში დაეხმარება", - განაცხადა კობა გვენეტაძემ.

ეროვნული ბანკის ცნობით, ფულის გლობალური კვირეული წელს 21-დან 27 მარტის ჩათვლით აღინიშნება.

„კვირეულისადმი მიძღვნილ ღონისძიებებში ეროვნული ბანკისა და მისი ფინანსური განათლების პორტალთან - finedu.gov.ge - სთან ერთად კომერციული ბანკები, მიკროსაფინანსო ორგანიზაციები, სასწავლო დაწესებულებები და სამოქალაქო სექტორის წარმომადგენლებიც ჩაერთვებიან“,-აღნიშნულია ინფორმაციაში.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ