ჯანდაცვის მინისტრის, ზურაბ აზარაშვილის განცხადებით, საქართველოში კორონავირუსის საწინააღმდეგო ვაქცინის, „ფაიზერის“ ახალი დოზები მიმდინარე კვირაში შემოვა.

მისივე განცხადებით, ქვეყანაში „ფაიზერის“ რამდენიმე ათასი ვაქცინა გამოუყენებელი დარჩა, რომელსაც ვადა თვის ბოლოს ეწურება.

„ახალი ვაქცინები გვექნება მიმდინარე კვირაში. რაც შეეხება ძველ ნაშთებს - ეს არის ნაჩუქარი, ფინანსურად არ გვიზარალია. სამწუხაროდ, სრულად ვერ ავითვისეთ და რამდენიმე ათასი ვაქცინა დაგვრჩა. თვის ბოლომდე აქვს ვადა. ყოველდღიური აცრა ისევ მიმდინარეობს“, - განაცხადა ზურაბ აზარაშვილმა.