მედია - ისრაელის პრემიერი კიევში ვიზიტს გეგმავს

ისრაელის პრემიერ-მინისტრი ნაფტალი ბენეტი დათანხმდა უკრაინის პრეზიდენტის ვოლოდიმირ ზელენსკის შეთავაზებას ეწვიოს უკრაინას იმ პირობით, რომ კიევი მნიშვნელოვან პროგრესს მიაღწევს რუსეთთან ცეცხლის შეწყვეტის შესახებ მოლაპარაკებებში, - ამის შესახებ Ynet News-ზე დაყრდნობით უკრაინული საინფორმაციო სააგენტო „ინტერფაქს-უკრაინა“ იუწყება.

მედიის ცნობით, ბენეტმა უკვე სთხოვა ქვეყნის უსაფრთხოების სამსახურს კიევში მისი შესაძლო ვიზიტისთვის მზადება დაიწყონ.

"მოლაპარაკებების წინსვლის მიზნით, ცხადია, რომ პირისპირ შეხვედრებია საჭიროა და ეს შეიძლება მოხდეს მომავალში თუ მოლაპარაკებები “გარდატეხის წერტილს“ მიაღწევს", - განუცხადა Ynet-ს ისრაელის ოფიციალურმა პირმა, რომლის ვინაობაც არ სახელდება.

„ისრაელის უსაფრთხოების სამსახურის ზოგიერთმა მაღალჩინოსანმა ეჭვი გამოთქვა პრემიერ-მინისტრის აქტიურ საომარ ზონაში შესვლის რისკებთან დაკავშირებით, განსაკუთრებით მას შემდეგ, რაც ორშაბათს დაბომბვის შედეგად სულ მცირე რვა ადამიანი დაიღუპა“, - ნათქვამია მოხსენებაში.

გამოცემა საკუთარ წყაროებზე დაყრდნობით წერს, რომ ბოლო 10 დღის განმავლობაში, პრეზიდენტი ზელენსკი და უკრაინის მთავრობის წარმომადგენლები აგრძელებენ ბენეტის კიევში ვიზიტის დაგეგმვას, რადგან, მათი აზრით, ვიზიტი ხელს შეუწყობს მოსკოვთან ცეცხლის შეწყვეტის შესახებ მოლაპარაკებების დაჩქარებას.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება