აშშ-ის პრეზიდენტმა ჯო ბაიდენმა ბიზნეს ფორუმზე განაცხადა, რომ ინდოეთი იყო ერთადერთი ქვეყანა „ოთხმხრივი უსაფრთხოების დიალოგის (Quad)“ წევრებს შორის, რომელსაც არ დაუწესებია სანქციები რუსეთის წინააღმდეგ. თეთრი სახლის ლიდერმა დასძინა, რომ ინდოეთისგან განსხვავებით, Quad-ის წევრი იაპონია იყო უკიდურესად ძლიერი, ისევე როგორც კიდევ ერთი წევრი ავსტრალია პუტინის აგრესიასთან გამკლავების თვალსაზრისით.
„პუტინის აგრესიის საპასუხოდ, ჩვენ წარმოვადგინეთ ერთიანი ფრონტი მთელს ნატოსა და წყნარი ოკეანის რეგიონში”, - აღნიშნა ბაიდენმა.
ცნობისთვის, ბოლო კვირებში ინდოეთმა, რომელიც რუსეთზეა დამოკიდებული იარაღისა და საბრძოლო მასალის მიწოდების კუთხით, მოუწოდა მას შეწყვიტოს ძალადობა, მაგრამ არ დაგმო რუსეთი.
ორშაბათს, აშშ-ს სახელმწიფო მდივნის მოადგილემ ვიქტორია ნულანდმა ინდოეთის საგარეო საქმეთა მინისტრ სუბრაჰმანიამ ჯაიშანკართან შეხვედრის შემდეგ, მედიას განუცხადა: „აშშ-ს ესმის, რომ ინდოეთსა და რუსეთს შორის კავშირები დაუყოვნებლივ ვერ გაწყდება“.