მიხაილო პოდოლიაკი - უკრაინა 27-ე დღეა იბრძვის თავისუფლებისთვის, ბარბაროსობის, სისასტიკისა და მშვიდობიანი მოსახლეობის მასობრივი მკვლელობის წინააღმდეგ
უკრაინის პრეზიდენტის ოფისის ხელმძღვანელის მრჩეველი მიხაილო პოდოლიაკი აცხადებს, რომ უკრაინაში ომი არა ტერიტორიისთვის, არამედ ბარბაროსებისა და რუსეთის ფედერაციის წინააღმდეგაა. ამის შესახებ მან Twitter-ზე დაწერა.
პოდოლიაკი უკრაინის გმირებს და ქალაქებს გამძლეობას უსურვებს.
„უკრაინაში ომი არ არის ტერიტორიის, ვაჭრობის ან ნავთობის ემბარგოს გამო. უკრაინა 27-ე დღეა იბრძვის თავისი თავისუფლებისთვის და ბარბაროსობის, სისასტიკისა და მშვიდობიანი მოსახლეობის მასობრივი მკვლელობის წინააღმდეგ. ყველაფრის წინააღმდეგ, რაც, როგორც აღმოჩნდა, „რუსულ სამყაროს“ განასახიერებს. გამძლეობა ჩვენს გმირებსა და ქალაქებს!“, - წერს ის.
