თუ უკრაინა დამარცხდება, ეს ნიშნავს, რომ ალექსანდრე ლუკაშენკო, როგორც გამარჯვებულის მოკავშირე, თავს უფრო ძლიერად იგრძნობს და ყველა ჩვენი პოლიტპატიმარი ციხეში მრავალი, მრავალი წლის განმავლობაში დარჩება, - ამის შესახებ ბელარუსის ოპოზიციის ლიდერმა სვეტლანა ტიხანოვსკაიამ DW-თან ინტერვიუში განაცხადა.
მისი თქმით, თავისუფალი უკრაინის გარეშე არ იქნება თავისუფალი ბელარუსი.
„თავისუფალი უკრაინის გარეშე არ იქნება თავისუფალი ბელარუსი -ჩვენი მთავარი ამოცანაა, უკრაინას გამარჯვებაში დავეხმაროთ,“- აღნიშნა ტიხანოვსკაიამ.
მისი თქმით, ლუკაშენკო ნებას რთავს რუსულ ჯარებს უკრაინაში ბელარუსის ტერიტორიიდან შეიჭრან, რაც პატარა ქვეყანას "თანააგრესორად" აქცევს.
ამასთან, ტიხანოვსკაიამ ხაზი გაუსვა, რომ ბელარუს ხალხში ომის საწინააღმდეგო განწყობა სუფევს.
„როგორც ვიცით, ბელარუსის არმია, ზეწოლისა და მუქარის მიუხედავად, უარს აცხადებს უკრაინაში წასვლაზე,”- აღნიშნა ტიხანოვსკაიამ.