უკრაინის პრეზიდენტი ვოლოდიმირ ზელენსკი მარიუპოლში ჰუმანიტარულ მისიას საბერძნეთის საგარეო საქმეთა მინისტრის ნიკოს დენდიასის ხელმძღვანელობით უახლოეს დღეებში ელოდება.

„მადლობელი ვარ საბერძნეთის საგარეო საქმეთა მინისტრის, რომელიც პირველი იყო ევროპელ ოფიციალურ პირებს შორის, რომელმაც გადაწყვიტა მხარი დაეჭირა ჩვენი ჰუმანიტარული დერეფნების მუშაობისთვის მარიუპოლში. მადლობელი ვარ, როცა მაღალი დონის ევროპული სახელმწიფოს წარმომადგენელი თანახმაა, პირადად შეუერთდეს ჰუმანიტარულ მისიას. საბერძნეთის საგარეო საქმეთა სამინისტროს ხელმძღვანელის ამ გეგმის განხორციელებას უახლოეს დღეებში ველოდებით“, - აღნიშნა ზელენსკიმ.

მისი თქმით, ამ დროისთვის მარიუპოლში დაახლოებით 100 000 ადამიანი არაადამიანურ პირობებში იმყოფება: „სრულ ბლოკადაში, საკვების, წყლის, მედიკამენტების გარეშე, მუდმივი ცეცხლოს, მუდმივი დაბომბვის ქვეშ“.