დემოკრატიული კვლევის ინსტიტუტის განცხადებით, „ალტ-ინფოს“ დაფინანსების წყაროები უცნობია

"დემოკრატიული კვლევის ინსტიტუტის" განცხადებით, „ალტ-ინფოს“ პოლიტიკური წარმონაქმნის დაფინანსების წყაროები უცნობია.

DRI-ის ინფორმაციით, ოფიციალურად გამჟღავნებული შემოწირულებები არ შეიძლება „ალტ-ინფოს“ უკვე გახსნილი ოფისების ქირის, თანამშრომელთა ხელფასებისა და სხვა ხარჯების გასასტუმრებლად საკმარისი იყოს.

დემოკრატიული კვლევის ინსტიტუტის წყაროს ინფორმაციით, „ალტ-ინფოს“ ოფისებში დასაქმებული ადამიანების ანაზღაურება გასაიდუმლოებულია. წყაროს ინფორმაციით, თანამშრომელთა უმეტესობა ხელფასს არა საბანკო გადარიცხვით, არამედ ხელზე იღებს, რაც პარტიის დაფინანსების წყაროსა და ოდენობის შესახებ ეჭვებს აღრმავებს.

„დემოკრატიის კვლევის ინსტიტუტი" საქართველოში ულტრამემარჯვენე რადიკალური ჯგუფების აქტიურობას 2019 წლიდან აკვირდება. მკვეთრად პრორუსული საგარეო ვექტორის გამო, ახლად დაფუძნებული პოლიტიკური გაერთიანება „კონსერვატიული მოძრაობა“ საზოგადოების განსაკუთრებული ყურადღების ცენტრშია.

„კონსერვატიული მოძრაობა“ ულტრამემარჯვენე ღიად პრორუსული „ალტ-ინფოს“ პოლიტიკური წარმონაქმნია. მისი საშუალებით ულტრამემარჯვენე დაჯგუფება, რომელიც საზოგადოებაში თავდაპირველად ტელევიზიის ფორმით გამოჩნდა, ქვეყნის პოლიტიკურ ცხოვრებაში ჩართვას ცდილობს. „კონსერვატიული მოძრაობის“ ლიდერები 2021 წლის 5 ივლისის მასობრივი ძალადობის ორგანიზატორები არიან, თუმცა მათი სისხლისსამართლებრივი პასუხისმგებლობა ამ დრომდე არ დამდგარა.

2021 წლის 20 ნოემბერს პარტიის დამფუძნებლებმა ყრილობაზე ღიად განაცხადეს „კონსერვატიული მოძრაობის“ პრორუსული და ანტიდასავლური საგარეო ვექტორის შესახებ. პარტია რეგისტრაციის შემდეგ „ალტ-ინფოს“ ჯგუფმა საქართველოს მასშტაბით ოფისების გახსნა აქტიურად დაიწყო. დეკემბრიდან მოყოლებული, „კონსერვატიულმა მოძრაობამ“ 60-მდე ოფისი გახსნა რეგიონებში. პარტიული ოფისების გახსნას რეგიონებში ადგილობრივი მოსახლეობის პროტესტი მოჰყვა. ამასთანავე, ასეთმა სწრაფმა გაფართოებამ პარტიის ფინანსურ რესურსთან დაკავშირებით კითხვები გააჩინა.

DRI-ის წყაროს ინფორმაციით, თითოეული ოფისის ყოველთვიური ქირა 1,500-დან 2,500 ლარის ფარგლებში მერყეობს. ამ ხარჯს ასევე ემატება იმ პირების შრომის ანაზღაურებაც, რომლებიც „ალტ-ინფომ“ ადგილობრივ ოფისებში დაასაქმა. თითოეული ასეთი ოფისისთვის საშუალოდ გამოყოფილია 5-6 თანამშრომელი. მათი შრომის ანაზღაურება ამ ეტაპისთვის გასაიდუმლოებულია. დემოკრატიის კვლევის ინსტიტუტის წყაროს გადმოცემით, თანამშრომელთა უმეტესობა ხელფასს არა საბანკო გადარიცხვით, არამედ ხელზე იღებს, რაც აღრმავებს ეჭვებს პარტიის დაფინანსების წყაროსა და ოდენობის შესახებ.

ოფისების უმეტესობა ქალაქის ცენტრალურ ნაწილში იხსნება, რაც დიდ ხარჯებთან უნდა იყოს დაკავშირებული. თებერვლის მიწურულს პოლიტიკური ფინანსების მონიტორინგის გვერდზე პარტიის დამფინანსებელთა შესახებ ინფორმაცია გამოჩნდა. ოფიციალური მონაცემებით, დაფუძნებიდან 22 მარტის ჩათვლით, პოლიტიკური პარტიის შემოსავალი უკვე 90 935 ლარია. პოლიტიკური გაერთიანების მიერ ოფიციალურად დეკლარირებული შემოწირულების ოდენობა ბოლო 6 დღის განმავლობაში თითქმის გასამმაგდა. თუ 2022 წლის 16 მარტის მდგომარეობით „კონსერვატიული მოძრაობის“ ოფიციალურად დეკლარირებული შემოწირულებების ჯამური ოდენობა 36 675 ლარი იყო, 21 მარტის შუადღის მონაცემებით ეს თანხა 44 725 ლარი გახდა. 22 მარტს კი, წინამდებარე ანგარიშისთვის საბოლოო სახის მიცემის დროისთვის, სახელმწიფო აუდიტის სამსახურის ინფორმაციით, თანხა 90 935 ლარია.

ამ დროისთვის, პარტიის ყველაზე მსხვილი შემომწირველია ზეზვა ჩანქსელიანი. მან 2018 წლის საპრეზიდენტო არჩევნების დროს სალომე ზურაბიშვილს 1 000 ლარი შესწირა.

ინფორმაცია „კონსერვატიული მოძრაობის“ ფინანსების შესახებ დიდი ხნის განმავლობაში ხელმისაწვდომი არ იყო. გიორგი ქარდავას თქმით, „ალტ-ინფოსა“ და ახლა უკვე „კონსერვატიულ მოძრაობას“ დიდწილად კონსტანტინე მორგოშია აფინანსებს, თუმცა ინფორმაცია მორგოშიას მიერ პარტიის დაფინანსების შესახებ ოფიციალურად ხელმისაწვდომი არ არის. ოფიციალურად გამჟღავნებული შემოწირულებები კი არ შეიძლება საკმარისი იყოს უკვე გახსნილი ოფისების ქირის, თანამშრომელთა ხელფასებისა და სხვა ხარჯების გასასტუმრებლად“, - აღნიშნულია ინფორმაციაში.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი