ბოლო 24 საათში კორონავირუსის საწინააღმდეგო ვაქცინით 1 750 პირი აიცრა. დაავადებათა კონტროლის ეროვნული ცენტრის ინფორმაციით, 23 მარტის მონაცემებით, სულ ჩატარებულია 2 846 431 აცრა. მინიმუმ 1 დოზით ვაქცინირებულია 1 357 243 პირი, 18 წელს ზემოთ ასაკის მოსახლეობის 47.2%, სრულად ვაქცინირებულია 1 254 665 ადამიანი, 18 წელს ზემოთ ასაკის მოსახლეობის 43.7%. „ბუსტერით“ აცრილია 231 516 ადამიანი.

ამასთან, 12-15 წლის მოზარდებში მინიმუმ 1 დოზით აცრილია 4 098 პირი, რაც 2.31%-ს შეადგენს, სრულად აცრილია 3 245 მოზარდი, 1.83%. 16-17 წლის მოზარდებში მინიმუმ 1 დოზით აცრილია 12 584 მოზარდი, 15.52%, სრულად აცრილია 11 143 მოზარდი, 13.74%.