საქართველოს ბიზნეს ასოციაციაში „ბიქეი ქონსთრაქშენი“ და „თეთრი კვადრატი“ გაწევრიანდნენ

„ბიქეი ჰოლდინგში“ შემავალი კომპანიები, კერძოდ სამშენებლო კომპანია „ბიქეი ქონსთრაქშენი“ და დეველოპერული კომპანია „თეთრი კვადრატი“ საქართველოს ბიზნეს ასოციაციის წევრები გახდნენ. ამის შესახებ ინფორმაციას საქართველოს ბიზნეს ასოციაცია ავრცელებს.

როგორც ორგანიზაციაში აღნიშნავენ, “ბიქეი ჰოლდინგი“ ტრადიციებზე დაფუძნებული 30 წლიანი გამოცდილების მქონე ჰოლდინგია, რომელიც აერთიანებს, დეველოპერულ კომპანია „თეთრ კვადრატს“, სამშენებლო კომპანია „ბიქეი ქონსთრაქშენს“, სამშენებლო კოლეჯ „კონსტრუქტ2-ს".

„გარდა ამისა, „ბიქეი ჰოლდინგმა“ განახორციელა ინვესტიცია და ფლობს წილს ენერგოეფექტური და ცეცხლგამძლე სამშენებლო ბლოკის, YTONG-ის, მწარმოებელ ქარხანაში. „ბიქეი ქონსთრაქშენს“ ზურგს უმაგრებს ათეული წლების განმავლობაში სხვადასხვა სირთულისა და მასშტაბის პროექტებზე მუშაობის გამოცდილება.

30 წლიანი ოპერირების განმავლობაში, „ბიქეი ქონსთრაქშენმა“ წარმატებით განახორციელა 30-მდე სხვადასხვა მასშტაბისა და სირთულისა პროექტი, მათ შორისაა სასტუმროები, სავაჭრო ცენტრები, ბიზნეს ცენტრები, საცხოვრებელი კომპლექსები და სხვა - რაც ჯამში გულისხმობს აშენებულ 500 000 კვ. მ-ს.

კომპანიის პორტფელში ერთიანდება ისეთი პროექტები, როგორიცაა სასტუმრო რედისონ წინანდალი, სასტუმრო „პარკ ინი წინანდალში“, სასტუმრო „მოქსი“, სასტუმრო „რამადა ენკორი“, სასტუმრო „რამადა თბილისი,“ სასტუმრო „გუდაური ლოჯი“, სასტუმრო „იბისი“, დეველოპერული კომპანიების m² -ის და „არქის“ არაერთი საცხოვრებელი კომპლექსი, „თბილისი გარდენსის“ მრავალბინიანი საცხოვრებელი სახლი და სხვა.

ოპერირების განმავლობაში „ბიქეი ქონსთრაქშენი" ცდილობს დაამკვიდროს მშენებლობის უმაღლესი სტანდარტები ქართულ ბაზარზე და მხოლოდ ასეთი მაღალი სტანდარტების მქონე კომპანიას გააჩნია ასეთი მასშტაბური პროექტების განხორციელებისთვის საკმარისი გამოცდილება და რესურსები, რაც იწვევს პარტნიორების მხრიდან ნდობას.

დეველოპერული კომპანია „თეთრი კვადრატის“ მიმდინარე პროექტია მრავალბინიანი საცხოვრებელი სახლები შარტავას ქუჩაზე, რომლის მშენებლობას ასევე „ბიქეი ქონსთრაქშენი“ ახორციელებს. „თეთრი კვადრატი“ მოქნილი, მომხმარებელზე მორგებული ბრენდია, რომლის უკან კომპანიის მენეჯმენტის 11 წლიანი გამოცდილება დგას დეველოპერულ სექტორში”,- აღნიშნულია გავრცელებულ ინფორმაციაში.

როგორც საქართველოს ბიზნეს ასოციაციის პრეზიდენტმა, სოსო ფხაკაძემ აღნიშნა, საქართველოს ბიზნეს ასოციაცია მზად არის წევრი კომპანიების ინტერესების გათვალისწინებით გადალახოს წარმოქმნილი გამოწვევები.

„მივესალმებით სამშენებლო და დეველოპერული სექტორის ერთ-ერთ წამყვან კომპანიებს „ბიქეი ქონსთრაქშენსა“ და „თეთრ კვადრატს“. აღსანიშნავია, რომ ამ სამშენებლო კომპანიების მთავარი სამიზნე არის ხარისხი და მშენებლობის უმაღლესი სტანდარტების დამკვიდრება ქართულ ბაზარზე. ჩვენთვის სასიხარულოა, რომ საქართველოს ბიზნეს ასოციაციაში ასეთი მაღალი სტანდარტების მქონე კომპანიები წევრიანდებიან, რაც ბიზნეს კლიმატისა და გარემოს გაუმჯობესების მნიშვნელოვანი წინაპირობაა.

ვიმედოვნებთ, რომ ჩვენი თანამშრომლობა მეტად ეფექტიანი იქნება, განსაკუთრებით კი იმ გამოწვევების ფონზე, რომელიც განაპირობა კოვიდპანდემიამ და იმ ომმა, რომელმაც მთლიანად შეძრა მსოფლიოს ეკონომიკური სისტემა.

მიუხედავად გაუთვალისწინებელი გარემოებებისა საქართველოს ბიზნეს ასოციაცია მზად არის წევრი კომპანიების ინტერესების გათვალისწინებით გადალახოს წარმოქმნილი გამოწვევები და მაქსიმალური წვლილი შეიტანოს, როგორც ბიზნეს სექტორის ინტერესების დაცვაში, ასევე ქვეყნის მდგრად ეკონომიკურ განვითარებასა და სტაბილურობის შენარჩუნებაში“, - განაცხადა სოსო ფხაკაძემ.

ლევან ცუცქირიძე - ყველაფერზე მანტრასავით გამეორება - „აბა ომი გინდათ?“, სინამდვილეში ევფემიზმია და „მე რუსეთთან მინდას“ ნიშნავს
ქართული პრესის მიმოხილვა 08.12.2022
ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
კახა ოქრიაშვილი „ქართული ოცნების“ ლიდერების განცხადებებს ეხმაურება
მოასწარი დეკემბერი - სამომხმარებლო სესხზე „ლიბერთის“ ახალი აქცია დაიწყო
„ტყუპების საღვინე სახლი ნაფარეულში“ 25 წლისაა
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს