ვიტალი კლიჩკო - კიევს დღეს ესაჭიროება სახანძრო-სამაშველო აღჭურვილობა და სასწრაფო დახმარების მანქანები, მშვიდობიანი მოსახლეობის დაცვის საშუალებები

კიევის მერმა ვიტალი კლიჩკომ მონაწილეობა მიიღო მიუნხენის საკრებულოს ონლაინ შეხვედრაში და მათ გაწეული დახმარებისთვის მადლობა გადაუხადა. ამის შესახებ ვიტალი კლიჩკომ „ფეისბუქის“ საკუთარ გვერდზე განაცხადა.

„დღეს, გერმანელი პარტნიორების მიწვევით, ვისაუბრე მიუნხენის, კიევთან დაძმობილებული ქალაქის, საკრებულოს სხდომაზე. ჩვენს ქალაქებს დიდი ხანია აკავშირებს მჭიდრო ურთიერთობა და აქტიური თანამშრომლობა. მიუნხენი მხარს უჭერს უკრაინის დედაქალაქს ამ კრიტიკულ სიტუაციაშიც კი. მადლობა გადავუხადე იმ ფაქტისთვის, რომ მარტის დასაწყისიდან მიუნხენმა კიევს უკვე 15 ვაგონი ჰუმანიტარული დახმარება გამოუგზავნა“, - განაცხადა კლიჩკომ.

კიევის მერმა ასევე აღნიშნა, თუ რა პრობლემები აქვს კიევს და რა აღჭურვილობა ესაჭიროება.

„ასევე აღვნიშნე, რომ კიევს დღეს ესაჭიროება სახანძრო-სამაშველო აღჭურვილობა და სასწრაფო დახმარების მანქანები, მშვიდობიანი მოსახლეობის დაცვის საშუალებები - ნიღბები, გაზის საწინააღმდეგო ნიღბები, მედიკამენტები. ასევე დამცავი აღჭურვილობა ექიმებისა და მაშველებისთვის, რომლებიც მუშაობენ დაბომბვის შედეგების აღმოსაფხვრელად“, - განაცხადა კლიჩკომ.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს