რელიგიის საკითხთა სახელმწიფო სააგენტოს სტრატეგიული კვლევის, ანალიზისა და რეგიონების სამსახურის უფროსი ნინო ჭავჭავაძე და სააგენტოს თანამშრომლები ხორნაბუჯისა და ჰერეთის ეპარქიაში მდებარე წმინდა მეფე ვახტანგ გორგასლის სახელობის სკოლა-ინტერნატის დირექტორს, მორჩილ თეა სხირტლაძეს შეხვდნენ. ამის შესახებ ინფორმაციას რელიგიის სააგენტო ავრცელებს.
მათივე ინფორმაციით, სააგენტოს თანამშრომლები დაინტერესდნენ ინტერნატში არსებული ვითარებით. სკოლა ინტერნატში 185 ბავშვი სწავლობს. სააგენტოს თანამშრომლებმა ინტერნატის მოსწავლეებს საჩუქრად 25 ტანსაცმლის ყუთი გაუგზავნეს. მორჩილმა თეა სხირტლაძემ მადლობა გადაუხადა სააგენტოს თანამშრომლებს დახმარებისა და თანადგომისთვის.
ასევე, ერთი თვის წინ სააგენტოს თანამშრომლები დედოფლისწყაროს ეწვივნენ და სკოლა-ინტერნატის მოსწავლეებს სასაჩუქრე ყუთები ჩაუტანეს. საქველმოქმედო აქციები გრძელდება.