მეტეოროლოგიის მსოფლიო დღის აღნიშვნის ფარგლებში, მოსწავლეებისთვის საინფორმაციო შეხვედრა გაიმართა

გარემოსდაცვითი ინფორმაციისა და განათლების ცენტრის ორგანიზებით, გარემოს ეროვნულ სააგენტოში, ევროპული სკოლის V-VI კლასის მოსწავლეებს სააგენტოს წარმომადგენლებმა ჰიდრომეტეოროლოგიის დარგის განვითარების ისტორია და თანამედროვე სისტემების მუშაობის პრინციპები გააცნეს.

მათივე ცნობით, მოსწავლეებმა დაათვალიერეს სადამკვირვებლო ქსელი, რომლის საშუალებითაც ხდება ყოველდღიური ამინდის პროგნოზის შედგენა, გავრცელება და, საჭიროების შემთხვევაში, შესაბამისი რეკომენდაციის გაცემა. სკოლის მოსწავლეებმა ინფორმაცია მიიღეს საქართველოში არსებული მეტეოროლოგიური რადარების მონაცემების ანალიზის შესახებაც.

„აღსანიშნავია, რომ გარემოს ეროვნული სააგენტო ევროპის საშუალოვადიანი პროგნოზების ცენტრის წევრი ქვეყანაა, რაც ხელს უწყობს საქართველოში ამინდის პროგნოზის ხარისხის გაუმჯობესებას.

დარგის განვითარების ხელშეწყობის მიზნით, კლიმატის მწვანე ფონდის (GCF) მიერ დაფინანსებული პროექტის ფარგლებში, დღეისათვის, შეძენილია 139 მეტეოროლოგიური და ჰიდროლოგიური პარამეტრების გამზომი ავტომატური დანადგარი, რომელიც, 2023 წლის ბოლომდე, მთელი ქვეყნის მასშტაბით განთავსდება. აღნიშნული ქსელის გაფართოება გააუმჯობესებს ამინდის პროგნოზირების ხარისხს და მოსალოდნელი სტიქიური ჰიდრომეტეოროლოგიური მოვლენების შესახებ ადრეული გაფრთხილებების ეფექტიანობას გაზრდის.

მეტეოროლოგიის მსოფლიო დღე, 1950 წლიდან, ყოველ წლის 23 მარტს აღინიშნება და იგი მსოფლიო მეტეოროლოგიური ორგანიზაციის დაარსებას უკავშირდება“, - ნათქვამია გავრცელებულ ინფორმაციაში.

ლევან ცუცქირიძე - ყველაფერზე მანტრასავით გამეორება - „აბა ომი გინდათ?“, სინამდვილეში ევფემიზმია და „მე რუსეთთან მინდას“ ნიშნავს
ქართული პრესის მიმოხილვა 08.12.2022
ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
კახა ოქრიაშვილი „ქართული ოცნების“ ლიდერების განცხადებებს ეხმაურება
მოასწარი დეკემბერი - სამომხმარებლო სესხზე „ლიბერთის“ ახალი აქცია დაიწყო
„ტყუპების საღვინე სახლი ნაფარეულში“ 25 წლისაა
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს