შარლ მიშელი - ჩვენ უნდა უზრუნველვყოთ, ვლადიმერ პუტინის დამარცხება, ეს უნდა იყოს საერთო მიზანი

ჩვენ უნდა უზრუნველვყოთ, რუსეთის პრეზიდენტის ვლადიმერ პუტინის დამარცხება - ეს უნდა იყოს საერთო მიზანი,- ამის შესახებ ევროპული საბჭოს პრეზიდენტმა შარლ მიშელმა CNN-ისთვის მიცემულ ინტერვიუში განაცხადა.

შარლ მიშელის განმარტებით, ეს უსაფრთხოების საკითხია როგორც ევროპის მომავლისთვის, ასევე მსოფლიოს მომავლისთვის.

ამასთანავე, შარლ მიშელმა აღნიშნა, რომ მან უკრაინის პრეზიდენტი ვოლოდიმირ ზელენსკი 24-25 მარტს ჩანიშნულ ევროპის საბჭოს სხდომაზე სიტყვით გამოსვლისთვის მიიწვია.

ევროპული საბჭოს პრეზიდენტმა, ასევე განაცხადა, რომ რუსეთის უკრაინაში შეჭრის შემდეგ არაერთხელ ესაუბრა როგორც უკრაინის, ასევე რუსეთის პრეზიდენტებს, რათა მათ ცეცხლის შეწყვეტის შეთანხმების მიღწევასა და მოლაპარაკების პროცესში დახმარებოდა.

„ეს ძალიან რთული პროცესია, რადგან დარწმუნებულები არ ვართ, რომ რუსეთი გულწრფელია, ჩვენ გულუბრყვილოები არ ვართ - ჩვენ ვფიქრობთ ისინი ცდილობენ უკრაინის სამხედრო ძალა დაასუსტონ, რათა მოლაპარაკებებზე მათი პოზიციები გაძლიერდეს. ამიტომ ჩვენ უნდა შევცვალოთ ძალთა ბალანსი, რათა მივცეთ პრეზიდენტ ზელენსკის უკეთესი პოზიცია რუსეთთან პირდაპირ მოლაპარაკებებში“,- განაცხადა შარლ მიშელმა.

შარლ მიშელი სანქციების საკითხსაც შეეხო და აღნიშნა, რომ ევროკავშირმა ამ მიმართულებით გონივრულად უნდა იმოქმედოს.

„ჩვენ უპრეცედენტო სანქციების დაწესების გადაწყვეტილება მივიღეთ ამერიკის შეერთებულ შტატებთან, კანადასთან და გაერთიანებულ სამეფოსთან ერთად. ჩვენი სანქციები მიმართულია როგორც ოლიგარქებისკენ, ასევე რუსეთის ეკონომიკური სექტორისკენ. მაგრამ, ჩვენთან არსებული ვითარება განსხვავდება ამერიკის შეერთებულ შტატებში არსებული ვითარებისგან თუნდაც გაზისა და ნავთობის მიმართულებით, ჩვენ უფრო მეტად დამოკიდებულები ვართ რუსეთზე ევროპაში, შტატებთან შედარებით. სწორედ ამიტომ უნდა ვიმოქმედოთ გონივრულად - ჩვენი სამიზნე რუსეთია, მიზანია, რომ სანქციები მტკივნეული იყო რუსეთისთვის და არა ჩვენთვის. ჩვენთვის მნიშვნელოვანია, რომ ევროკავშირის დონეზე დავიცვათ ჩვენი ეკონომიკური სიძლიერე, იმისთვის რათა შევძლოთ უკრაინის დახმარება და მივიღოთ მტკივნეული ზომები რუსეთის წინააღმდეგ“,- განაცხადა მიშელმა.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი