დიდი ბრიტანეთის პრემიერ-მინისტრმა ბორის ჯონსონმა დღეს უკრაინის პრეზიდენტს ვოლოდიმირ ზელენსკის აცნობა თავისი გადაწყვეტილების შესახებ, რომ გამოიყენებს „დიდი შვიდეულისა“ და ნატოს შეხვედრებს უკრაინისთვის თავდაცვითი და ლეტალური დახმარების არსებითად გაზრდის შესახებ. ამის შესახებ ინფორმაციას CNN-ი ავრცელებს.
„პრემიერ - მინისტრმა განაცხადა თავისი განზრახვის შესახებ, გამოიყენოს „დიდი შვიდეულისა“ და ნატოს ხვალინდელი შეხვედრები ვლადიმერ პუტინის რეჟიმზე ზეწოლის გასაძლიერებლად და იმუშაონ პარტნიორებთან ერთად უკრაინისთვის თავდაცვითი ლეტალური დახმარების არსებითად გაზრდის შესახებ. ლიდერების მიზანი იქნება, დააკმაყოფილონ უკრაინის მოთხოვნები და უზრუნველყონ, რომ პრეზიდენტ ზელენსკის ეკავოს მაქსიმალურად ძლიერი პოზიცია მიმდინარე მსოფლიო მოლაპარაკებებში“, - განაცხადა პრემიერის წარმომადგენელმა ლიდერებს შორის სატელეფონო საუბრის შემდეგ.
აღნიშნული საუბრის დროს, ჯონსონმა დაადასტურა თავისი აღფრთოვანება უკრაინის შეიარაღებული ძალების მამაცობისა და წარმატების გამო, რომელიც რუსეთის აგრესიას იგერიებს.
„ზელენსკიმ განაცხადა, რომ საცხოვრებელი რაიონების დაბომბვა, მათ შორის მარიუპოლის ალყაში მოქცევა საერთაშორისო საზოგადოების რეაქციას მოითხოვს“, - განაცხადა პრემიერის ოფისის წარმომადგენელმა.