ნათია მეზვრიშვილი - ოპოზიციას არ უნდა უხაროდეს, როდესაც ხელისუფლებას "ფეხი უცდება", რადგან ძალიან კრიტიკულ სიტუაციაში ვიმყოფებით

ოპოზიციას არ უნდა უხაროდეს, როდესაც ხელისუფლებას "ფეხი უცდება", რადგან ძალიან კრიტიკულ სიტუაციაში ვიმყოფებით, - ამის შესახებ „პალიტრანიუსის“ გადაცემა „360 გრადუსში“ „საქართველოსთვის“ ერთ-ერთმა ლიდერმა, ნათია მეზვრიშვილმა განაცხადა.

მისივე თქმით, როგორც ქვეყნის შიგნით, ისე ქვეყნის გარეთ ოპოზიცია თავის განცხადებებს და ნაბიჯებს უნდა უკვირდებოდეს.

„ვინც არ მოსწონთ ყველას მტერს ეძახიან, ვინც არ იზიარებს ამ ანტისახელმწიფოებრივ მოწოდებებს და განცხადებებს, ყველას ეძახიან ქვეყნის მოღალატეს, ყველას ეძახიან „ნაციონალურ მოძრაობას“, ვხედავთ რით არიან დაკავებული ნაცვლად იმისა, რომ ხალხს ელაპარაკონ.

პირველი, რაც ოპოზიციამ უნდა გააკეთოს და ჩვენ ამას ვაკეთებთ, არ უნდა უხაროდეს როდესაც ხელისუფლებას ფეხი უცდება იმიტომ, რომ ძალიან კრიტიკულ სიტუაციაში ვიმყოფებით. ოპოზიცია თავის განცხადებებს და ნაბიჯებს უნდა უკვირდებოდეს, როგორც ქვეყნის შიგნით, ისე ქვეყნის გარეთ. მისი პასუხისმგებლობაც არის. ოპოზიცია დღეს მაქსიმუმს უნდა აკეთებდეს იმისთვის, რომ თუ ცუდია ხელისუფლება, ეშლებათ, გამიზნულად აკეთებენ თუ არაკომპეტენტურობით აკეთებენ, მოდი იქნებ ჩვენ გამოვასწოროთ“, - განაცხადა ნათია მეზვრიშვილმა.

ნათია მეზვრიშვილის განცხადებით, მიხეილ სააკაშვილის განცხადებები „ქართულ ოცნებას“ მიზეზს აძლევს ხალხის ნაცვლად „ნაციონალურ მოძრაობაზე“ ილაპარაკოს.

„მე არ ვიცი ოპოზიციის რომელი წარმომადგენლები უწოდებენ მე-5 კოლონას ხელისუფლებას, ჩვენ ამას არ ვაკეთებთ და ხელისუფლებაში რომ ვიყოთ, არც მაშინ გავაკეთებდით. ქვეყნისთვის ასეთ კრიტიკულ სიტუაციაში ხდება შიდა ომების გაჩაღება, ნაცვლად კონსოლიდაციისა, რასაც „ოცნება“ და „ნაციონალური მოძრაობა“ აკეთებს. საერთო საფრთხე გვემუქრება, რეგიონში ომია, გარე საფრთხე გვემუქრება და წესით მის ირგვლივ უნდა ვიყოთ გაერთიანებული, ამ ორმა პოლიტიკურმა ძალამ შიდა პოლიტიკური ველი ასეთ სიტუაციაშიც კი ერთმანეთთან დაპირისპირების საგნად აქცია.

ყოველდღიურად ბრიფინგს უძღვნიან „ნაციონალური მოძრაობის“ ლანძღვას. ამით იწყება ბრიფინგი და ამით მთავრდება. პარალელურად „ნაციონალური მოძრაობაც“ არ იქცევა სწორად. გამოდის მიხეილ სააკაშვილი და აკეთებს ისეთ განცხადებებს, რაც მიზეზს აძლევს „ოცნებას“ ხელს უწყობს, რომ ნაცვლად იმისა მოქალაქეებს ელაპარაკოს „ოცნება“, ილაპარაკოს მიხეილ სააკაშვილზე“, - განაცხადა ნათია მეზვრიშვილმა.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ