უკრაინულმა ძალებმა რუსეთის დიდი სადესანტო ხომალდი „ორსკი“ ზაპოროჟიეს ოლქში, ბერდიანსკთან ახლოს, გაანადგურეს. ქვეყნდება მომხდარის ამსახველი ვიდეოც, სადაც ასახულია თუ როგორ აფეთქდა და იწვის რუსული საოკუპაციო ძალების კუთვნილი გემი. არსებული ინფორმაციით, ერთი რუსული გემის ჩაძირვის გარდა, კიდევ ორი სხვა ხომალდი იწვის.

უკრაინის შინაგან საქმეთა სამინისტროს უფროსმა მრჩეველმა ანტონ გერაშჩენკომ „ტელეგრამის“ საკუთარ გვერდზე მომხდარის ამსახველის ფოტო განათავსა წარწერით "სარაკეტო და საარტილერიო იარაღის საწყობი რუსეთის მიერ ოკუპირებულ ბერდიანსკში".

ქალაქი ბერდიანსკი უკრაინის სამხრეთ-აღმოსავლეთით, ზაპოროჟიეს ოლქში, მარიუპოლიდან 75 კილომეტრში მდებარეობს.