თსსუ-ის თეატრმა „ჰიგიამ“ საიუბილეო თარიღი რუსთაველის თეატრის სცენაზე აღნიშნა

თბილისის სახელმწიფო სამედიცინო უნივერსიტეტის კულტურის ცენტრთან არსებულმა თეატრმა „ჰიგია“ საიუბილეო წელი რუსთაველის თეატრის დიდ სცენაზე აღნიშნა. ამის შესახებ ინფორმაციას თბილისის სახელმწიფო სამედიცინო უნივერსიტეტი ავრცელებს.

„2022 წლის 22 მარტი თეატრ „ჰიგიას“ 20 წლიანი მოღვაწეობის ისტორიაში მნიშვნელოვან თარიღად ჩაიწერა. ანტუან დე სენტ-ეგზიუპერის მოთხრობის მიხედვით შექმნილი სპეკტაკლი „პატარა უფლისწული“ თსსუ-ის თეატრალურმა დასმა რუსთაველის თეატრის სცენაზე განსაკუთრებული ემოციებით ითამაშა, შედეგმაც არ დააყოვნა და დარბაზში მყოფმა მაყურებლმა მოყვარული მსახიობების წარმატება განსაკუთრებული ოვაციებით შეაფასა. სპექტაკლმა ანშლაგით ჩაიარა.

ყველასათვის ნაცნობი და საყვარელი ნაწარმოები რუსთაველის თეატრის დიდ სცენაზე რეჟისორმა, თბილისის სახელმწიფო სამედიცინო უნივერსიტეტის ასოცირებულმა პროფესორმა, თეატრ „ჰიგიას“ დამაარსებელმა ნათია გუჯაბიძემ გააცოცხლა.

ცნობისთვის, თბილისის სახელმწიფო სამედიცინო უნივერსიტეტის თეატრალური დასი 2001 წელს დაარსდა და ამ ორი ათეული წლის განმავლობაში საკუთარი ხელწერისა და დახვეწილი პროფესიონალური თვისებების შეძენა მოახერხა. მისი ისტორია მრავალ წარმატებულ სპექტაკლს ითვლის“, - ნათქვამია ინფორმაციაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება