ოპოზიციონერი დეპუტატი გრიგოლ ვაშაძე მიიჩნევს, რომ უკრაინაში დაღუპული ქართველი მებრძოლების ჩამოსვენების ცერემონიას თავდაცვის მინისტრი უნდა დასწრებოდა.

"ქართული ოცნების" წარმომადგენელია პრეზიდენტი, აქედან დავიწყოთ, მაგრამ ის, რომ იქ უნდა ყოფილიყო თავდაცვის მინისტრი, მითუმეტეს, ჩვენი დაღუპული მებრძოლები ვეტერანები იყვნენ შეიარღებული ძალების, ეს საქართველოს ყველა მოქალაქისთვის აბსოლუტურად ნათელია,"- განაცხადა ვაშაძემ ჟურნალისტებთან საუბრისას.

ცნობისათვის, უკრაინაში დაღუპული ქართველი მებრძოლების ჩამოსვენების ცერემონიას ხელისუფლების წარმომადგენლებიდან მხოლოდ პრეზიდენტი ესწრებოდა.