უკრაინის საგარეო საქმეთა მინისტრმა დმიტრო კულებამ განაცხადა, რომ თუ ევროკავშირის ქვეყნები დათანხმდებიან რუსეთის ფედერაციის მოთხოვნას მიწოდებული რუსული გაზის საფასური რუბლებში გადაიხადონ, მაშინ ამ გზით ისინი აგრესორს უკრაინელების მკვლელობაში დაეხმარებიან. ამის შესახებ საგარეო საქმეთა მინისტრმა საკუთარ Twitter გვერდზე განაცხადა.

„თუ ევროკავშირის რომელიმე ქვეყანა ემორჩილება პუტინის დამამცირებელ მოთხოვნას, ბუნებრივი აირის საფასური რუბლით გადაიხადოს, ეს იგივეა, რომ ერთი ხელით დაეხმაროს უკრაინას და მეორე ხელით კი რუსებს უკრაინელების მოკვლაში. მოვუწოდებ დაინტერესებულ ქვეყნებს, გააკეთონ გონივრული და პასუხისმგებელი არჩევანი“, - აღნიშნა კულებამ.

ცნობისთვის, რუსეთის პრეზიდენტის ვლადიმერ პუტინის გადაწყვეტილებით, რუსეთი „არამეგობრულ ქვეყნებში“ ბუნებრივი აირის მიწოდების საფასურს მხოლოდ რუბლებში მიიღებს.