ალექსეი რეზნიკოვი - ომის ეს პერიოდი, ისტორიაში შევა, როგორც „უძლეველობის თვე“ - გმირულმა მარიუპოლმა, უძლეველმა ხარკოვმა, მამაცმა ჩერნიგოვმა და ბევრმა სხვა ქალაქმა და სოფელმა აჩვენა, რომ ოკუპანტები ვერ გაბატონდებიან ჩვენს მიწაზე

რუსეთის უკრაინაში შეჭრიდან ერთი თვის თავზე, უკრაინის თავდაცვის მინისტრმა ალექსეი რეზნიკოვმა თანამემამულეებს მიმართა.

მისი თქმით, ომის ეს პერიოდი, ისტორიაში შევა, როგორც „უძლეველობის თვე“.

„ძვირფასო უკრაინელებო! ომის ეს პერიოდი, რომელიც რუსეთის მიერ ყირიმზე 8 წელზე მეტი ხნის წინ თავდასხმით დაიწყო, ისტორიაში შევა, როგორც „უძლეველობის თვე“. უკრაინის არმიამ და უკრაინელმა ხალხმა გაუძლო დარტყმას, რომელსაც შეეძლო ბევრის განადგურება, მაგრამ არა ჩვენი“, - აღნიშნა ქვეყნის თავდაცვის მინისტრმა.

რეზნიკოვმა მადლობა გადაუხადა უკრაინის ყველა დამცველს და განაცხადა, რომ ამ ხნის განმავლობაში მათ საკუთარ თავსაც და მთელ მსოფლიოს დაუმტკიცეს, რომ უკრაინა მათთვის ყველაფერზე მაღლა დგას. მან განაცხადა, რომ ისინი არავის მისცემენ უფლებას წაართვან ის სახელმწიფო, რაზეც ოცნებობდენ, რისთვისაც იბრძოდნენ და დაიღუპნენ.

„ამ თვის განმავლობაში ჩვენ გვაქვს უძლეველობის მრავალი სიმბოლო. გმირულმა მარიუპოლმა, უძლეველმა ხარკოვმა, მამაცმა ჩერნიგოვმა და ბევრმა სხვა ქალაქმა და სოფელმა აჩვენა, რომ რუსი ოკუპანტები ვერ გაბატონდებიან ჩვენს მიწაზე. ხერსონი, სადაც უიარაღო მოქალაქეები წინააღმდეგობას უწევენ დამპყრობლებს, ყველას უმტკიცებს, რომ რუსი ჯარისკაცები არავინ მოიხმო. ესენი არიან ომის დამნაშავეები ტერორისტული სახელმწიფოდან, რომლებიც ძალის გამოყენებით შეიჭრნენ”, - დასძინა უკრაინის თავდაცვის უწყების ხელმძღვანელმა.

ალექსეი რეზნიკოვმა აღნიშნა, რომ ერთი თვის განმავლობაში რუსმა ოკუპანტებმა უკვე მოკლეს 120-ზე მეტი უკრაინელი ბავშვი.

„ათასობით პატარა უკრაინელმა დაკარგა მშობლები, სახლი და განიცადა ისეთი რამ, რასაც ჩვენ არასოდეს ვაპატიებთ მტერს”, - განაცხადა რეზნიკოვმა.

გარდა ამისა, უკრაინის თავდაცვის მინისტრმა აღნიშნა, რომ რუსი სამხედოები „აუპატიურებენ, ძარცვავენ, ანადგურებენ ყველაფერს, რისი მოპარვაც არ შეუძლიათ“.

რეზნიკოვმა პირობა დადო, რომ ისინი შურს იძიებენ მტრის მიერ დროებით ოკუპირებული უკრაინის ქალაქებისა და სოფლების მწუხარებისთვის, თუმცა იქვე დასძინა, რომ ჯერ კიდევ ძალიან რთული პერიოდი ელით წინ.

თავდაცვის უწყების ხელმძღვანელმა აღნიშნა, რომ რუსული საომარი მანქანა არ გაჩერდება, „ვიდრე საკუთარი ჯარისკაცების სისხლში არ ჩაიხრჩობა“. მისივე თქმით, რუსული საზოგადოება უკვე განიცდის გარკვეულ შედეგებს, მაგრამ დაშინებული და პასიურია.

„მაშასადამე, ჩვენი ერთადერთი გზაა გავუძლოთ მორდორის შემოჭრას. ჩვენ მათ გავყრით. ყველაფერს მოვაგვარებთ. ჩვენ გავასუფთავებთ ჩვენს მიწას ომის შედეგებისგან. ამას მთელი ჩვენი ძალისხმევა და დრო დასჭირდება”, - განაცხადა რეზნიკოვმა.

დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
ქართული პრესის მიმოხილვა 02.12.2022
ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება
სრულიად ახალი Toyota Corolla Cross
„ფარმადეპო“ მომხმარებლებს მედიკამენტებზე გარანტირებულად ყველაზე ხელმისაწვდომ ფასს სთავაზობს
საქართველოს უნივერსიტეტის ქართულ-ამერიკული კინოაკადემია აცხადებს კონკურსს „ვეფხისტყაოსანის“ ილუსტრაცია
საუკეთესო შეთავაზებები "სამსუნგის" მხოლოდ ოფიციალურ ტელევიზორებზე