ბრიუსელში „დიდი შვიდეულის“ ლიდერები შეხვედრას მართავენ. შეხვედრას ამერიკის შეერთებული შტატების პრეზიდენტი ჯო ბაიდენი, დიდი ბრიტანეთის პრემიერ-მინისტრი ბორის ჯონსონი, საფრანგეთის პრეზიდენტი ემანუელ მაკრონი, გერმანიის კანცლერი ოლაფ შოლცი, იტალიის პრემიერ-მინისტრი მარიო დრაგი, კანადის პრემიერ-მინისტრი ჯასტინ ტრუდო, იაპონიის პრემიერ-მინისტრი ფუმიო კიშიდა, ევროკომისიის პრეზიდენტი ურსულა ფონ დერ ლაიენი და ევროპული საბჭოს პრეზიდენტი შარლ მიშელი ესწრებიან.

მანამდე, ევროპის პოლიტიკურ დედაქალაქში ნატოს რიგგარეშე სამიტი გაიმართა. „დიდი შვიდეულის“ შეხვედრის დასრულების შემდეგ, ევროპული საბჭოს შეხვედრაა დაგეგმილი.

სამივე მაღალი რანგის შეხვედრებზე, ლიდერებს შორის საუბრის მთავარი თემაა - რუსეთის უკრაინაში შეჭრა.