ემანუელ მაკრონი - სანქციებს აქვს გავლენა და არის საგრძნობი - უნდა გავაგრძელოთ

ნატო-ს სამიტის შემდეგ, საფრანგეთის პრეზიდენტმა ემანუელ მაკრონმა განაცხადა, რომ რუსეთი მსოფლიო ასპარეზზე სულ უფრო იზოლირებულია, - ამის შესახებ ინფორმაციას BBC-ი ავრცელებს.

მაკრონის თქმით, სასიცოცხლოდ მნიშვნელოვანია, კონფლიქტის ესკალაციის თავიდან აცილება. სწორედ ამიტომ, ნატომ მიიღო გადაწყვეტილება, უკრაინას მხარი დაუჭიროს.

ამასთან, როგორც BBC-ი იუწყება, მაკრონი დიდი ხანია, მხარს უჭერს ევროპული თავდაცვითი შესაძლებლობების გაზრდას და მან განაცხადა, რომ ევროპამ უნდა ,,აიღოს თავისი პასუხისმგებლობა".

მაკრონმა აღნიშნა, რომ დასავლური ძალები მზად არიან, რუსეთის წინააღმდეგ, საჭიროების შემთხვევაში, სანქციები გააძლიერონ.

,,ამ სანქციებს აქვს გავლენა და არის საგრძნობი. ჩვენ უნდა გავაგრძელოთ ეს, მათთვის დამაბრკოლებელი ეფექტის შექმნისთვის", - აღნიშნა მაკრონმა.

ამასთან, მაკრონი სასურსათო კრიზისის შესახებაც საუბრობს.

მისი თქმით, უკრაინა და რუსეთი ძირითადი საკვების ექსპორტიორები არიან, მაგრამ ომის გამო წარმოება შეწყდა. მაკრონის თქმით, ქვეყნები, მათ შორის, ახლო აღმოსავლეთისა და ჩრ. აფრიკის ზოგიერთი ქვეყანა, განსაკუთრებით დამოკიდებულია უკრაინულ და რუსულ ექსპორტზე. მაკრონმა აღნიშნა, რომ ვითარება კიდევ უფრო გაუარესდება, 1 წლიდან 18 თვემდე ვადაში, რადგან უკრაინელი ფერმერები ახალ მოსავალს ვერ თესავენ. მაკრონი დასავლეთის ქვეყნებსა და საერთაშორისო ორგანიზაციებს მოუწოდებს, მომავალი კრიზისის წინააღმდეგ მობილიზდნენ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს