მედია - სერგეი ლავროვის ქალიშვილს ბრიტანეთში ბინას ჩამოართმევენ და საბანკო ანგარიშს გაუყინავენ

სერგეი ლავროვის ქალიშვილს ბრიტანეთში ბინას ჩამოართმევენ და საბანკო ანგარიშს გაუყინავენ. აღნიშნულ ინფორმაციას UNIAN-ი ავრცელებს.

უკრაინული გამოცემის თანახმად, პოლინა პოლიაკოვა უკრაინაზე რუსეთის თავდასხმის გამო სანქცირებულ პირთა სიაში ბრიტანეთის ხელისუფლებამ შეიყვანა.

უკრაინის პრეზიდენტის ოფისის ხელმძღვანელი, ანდრეი ერმაკი აცხადებს, რომ მას ასევე გაუუქმდება ბრიტანეთში ბინადრობის უფლება.

„ყველაზე საინტერესო ისაა, რომ ლონდონში მას 4.4 მილიონი ფუნტის ღირებულების ბინას ჩამოართმევენ და საბანკო ანგარიშს გაუყინავენ. მას ასევე გაუუქმდება ბრიტანეთში ბინადრობის უფლება. როგორც ამბობენ, სახალინის კუნძულზე ბევრი თავისუფალი უძრავი ქონებაა“, - დაწერა ერმაკმა.

შეგახსენებთ, აქამდე ბრიტანეთის მთავრობამ რუსი და ბელარუსი ბანკირებისა და კომპანიების წინააღმდეგ სანქციები უკვე შემოიღო. UNIAN-ის ინფორმაციით, სანქცირებულ პირთა შორის ასევე არიან „სბერბანკის“ ხელმძღვანელი, გერმან გრეფი, „ტინკოფ ბანკის“ დამაარსებელი, ოლეგ ტინკოვი, რუსეთის რეგიონების განვითარების ბანკის პრეზიდენტი, დინა მალიკოვა და სხვა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება