უკრაინის პრეზიდენტის, ვოლოდიმირ ზელენსკის გადაწყვეტილებით, ოთხ ქალაქს : ბუჩას, ირპენს, ახტირკასა და ნიკოლაევს გმირი ქალაქების სტატუსი მიენიჭა, - უკრაინული მედიის ინფორმაციით, ამის შესახებ პრეზიდენტის ადმინისტრაციის ოფიციალურ ვებგვერდზეა აღნიშნული.

მათივე ცნობით, პრეზიდენტმა ზელენსკიმ შესაბამის განკარგულებას ხელი უკვე მოაწერა.

„უკრაინის წინააღმდეგ რუსეთის ფედერაციის შეიარაღებული აგრესიის მოგერიებისას საკუთარი ქალაქების დაცვაში მოქალაქეების მიერ გამოვლენილი ღვაწლის, მასობრივი გმირობისა და გამძლეობის აღსანიშნავად, უკრაინის პრეზიდენტმა მიიღო გადაწყვეტილება მიანიჭოს საპატიო ნიშანი "უკრაინის გმირი ქალაქი" შემდეგ ქალაქებს: ბუჩას (კიევის ოლქი), ირპენს (კიევის ოლქი) ნიკოლაევს (ნიკოლაევის ოლქი) და ახტირკა (სუმის ოლქი)“,- აღნიშნულია განკარგულებაში.