აშშ - უკრაინამ რუსული გემების წინააღმდეგ, სავარაუდოდ, წარმატებული თავდასხმა განახორციელა

აშშ-ის შეფასების თანახმად, უკრაინამ რუსული გემების წინააღმდეგ ბერდიანსკში, სავარაუდოდ, წარმატებული თავდასხმა განახორციელა, - CNN-ის ინფორმაციით, ამის შესახებ აშშ-ის თავდაცვის უწყების ოფიციალურმა პირმა განაცხადა.

ამასთან, მისი თქმით, გაურკვეველია, რა ტიპის იარაღი ან იარაღები გამოიყენეს თავდასხმისთვის.

აღნიშნული შეფასება შესაბამისობაშია გაერთიანებული სამეფოს თავდაცვის უწყების მსგავს განცხადებასთან, რომელშიც აღნიშნულია, რომ უკრაინული ძალები რუსეთის მიერ ოკუპირებულ რაიონებში თავს დაესხნენ "მაღალი მნიშვნელობის სამიზნეებს", მათ შორის სადესანტო ხომალდს და საბრძოლო მასალის საცავებს ბერდიანსკში.

მანამდე უკრაინამ განაცხადა, რომ მათ ქალაქ ბერდიანსკის პორტში სადესანტო გემი "ორსკი" გაანადგურეს.

ერთი დღით ადრე, რუსეთის სახელმწიფო მედიასაშუალებამ, RT-მ "ორსკი" ბერდიანსკის პორტში დააფიქსირა და განაცხადა, რომ მას შეუძლია 20 ტანკის ან 40 ჯავშანტრანსპორტიორის გადაზიდვა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს