მაღალი თანამდებობის პირების განცხადებით, რუსეთმა, შესაძლოა, ზოგიერთი ქვეყნისგან, ნავთობისა და ბუნებრივი აირის მიწოდების საფასური, ბიტკოინებში მიიღოს, - ამის შესახებ ინფორმაციას BBC ავრცელებს.
მათივე ინფორმაციით, რუსეთის დუმის ენერგეტიკის კომიტეტის ხელმძღვანელმა, პაველ ზავალნიმ განაცხადა, რომ „მეგობარ“ ქვეყნებს, ასევე შეუძლიათ, ადგილობრივ ვალუტაში გადაიხადონ. ზავალნიმ, თურქეთი და ჩინეთი იმ ქვეყნებს შორის დაასახელა, რომლებიც სანქციებით ზეწოლაში არ იყვნენ ჩართული.
შეგახსენებთ, კვირის დასაწყისში რუსეთის პრეზიდენტმა ვლადიმერ პუტინმა განაცხადა, რომ მას სურს, „არამეგობრულმა“ ქვეყნებმა ბუნებრივი აირი რუბლში შეიძინონ.
ცნობისთვის, რუსეთის პრეზიდენტის ვლადიმერ პუტინის გადაწყვეტილებით, რუსეთი „არამეგობრულ ქვეყნებში“ ბუნებრივი აირის მიწოდების საფასურს მხოლოდ რუბლებში მიიღებს.