„სამართლიანი არჩევნები“ ექსპერტებად პოზიციონირებადი პირების სახელით დეზინფორმაციის გავრცელების შესახებ საუბრობს

„დეზინფორმაციის გავრცელება ექსპერტების სახელით“ - ამ სათაურით „სამართლიანი არჩევნებისა და დემოკრატიის საერთაშორისო საზოგადოებამ“ (ISFED) ინფორმაცია გამოაქვეყნა, სადაც საუბარია ექსპერტებად პოზიციონირებადი პირების მიერ „ფეისბუქზე“ „კულუარული ინფორმაციის“ შესახებ გამოქვეყნებული სტატუსების პროსახელისუფლებო საინფორმაციო სააგენტოებისა და ცრუ მედიის გვერდების მიერ გავრცელებაზე.

როგორც ორგანიზაციაში აცხადებენ, მათ შეისწავლეს სოციალურ მედიაში დეზინფორმაციისა და პროპაგანდის გავრცელების სხვადასხვა ტაქტიკა. შედეგების მიხედვით, საქმე ეხება დეზინფორმაციის გავრცელების მიზანმიმართულ, ორგანიზებულ სქემას.

„უკანასკნელ პერიოდში „სამართლიანი არჩევნებისა და დემოკრატიის საერთაშორისო საზოგადოებამ“ სოციალურ მედიაში დეზინფორმაციისა და პროპაგანდის გავრცელების სხვადასხვა ტაქტიკა შეისწავლა. მათ შორის გამოყენებული ერთ-ერთი მეთოდი ექსპერტებად პოზიციონირებადი პირების მიერ ფეისბუქზე „კულუარული ინფორმაციის“ შესახებ გამოქვეყნებული სტატუსების პროსახელისუფლებო საინფორმაციო სააგენტოებისა და ცრუ მედიის გვერდების მიერ გავრცელებაში მდგომარეობს. ზოგიერთი ონლაინ მედიის სააგენტო აღნიშნულ ინფორმაციას მკითხველს ისე სთავაზობს, რომ მათი გადამოწმება არ ხდება. ამასთან, ამ პროცესში ჩართული ექსპერტებისა და სააგენტოების ფაქტობრივად უცვლელი შემადგენლობა გვაფიქრებინებს, რომ საქმე დეზინფორმაციის გავრცელების მიზანმიმართულ, ორგანიზებულ სქემასთან გვაქვს, რაშიც შესაძლოა, უნებლიედ სხვა, მათგან დამოუკიდებელი, აქტორებიც ერთვებოდნენ.

დეზინფორმაციის გავრცელების სქემა შემდეგნაირად გამოიყურება: საქართველოს მთავრობის პოლიტიკის მიმართ ლოიალურად განწყობილი პირები, რომლებიც ექსპერტებად პოზიციონირებენ, „ფეისბუქის“ პირად ანგარიშზე „ექსკლუზიური კულუარული ინფორმაციის“ შესახებ სტატუსს აქვეყნებენ. პროსახელისუფლებო მედიასაშუალებები და „ფეისბუქზე“ მოქმედი ანონიმური აქტორები კი მოცემული ინფორმაციის ფართოდ გავრცელებას უზრუნველყოფენ ისე, რომ მისი ერთადერთი წყაროს სანდოობა დადასტურებული არ არის. უფრო მეტიც, წარსულში მათ მიერ გავრცელებული მსგავსი სტატიების სიყალბე დადასტურებულია ფაქტების გადამმოწმებელი ორგანიზაციების მიერაც“,- ნათქვამია ინფორმაციაში.

ISFED-ის განმარტებით, პროცესზე დაკვირვება აჩენს საფუძვლიან ვარაუდს, რომ საქმე, უმეტესად, კოორდინირებულ ქმედებასთან გვაქვს და ექსპერტთა განსაზღვრული წრის შეთანხმებულ მოვალეობას წარმოადგენს, სამთავრობო სააგენტოებს სასურველი დეზინფორმაციული ან პროპაგანდისტული გზავნილები მიაწოდონ.

„პროსამთავრობო სააგენტოები წყაროდ ექსპერტად პოზიციონირებადი პირების მოშველიებით თითქოს იცილებენ დეზინფორმაციის უშუალოდ გავრცელების პასუხისმგებლობას. თუმცა, მნიშვნელოვანია, გვახსოვდეს, რომ მედიის პასუხისმგებლობაა, მკითხველს მხოლოდ უტყუარი და დადასტურებული ინფორმაცია მიაწოდოს. ფეისბუქმომხმარებლის სტატუსი, იმის მიუხედავად, რომ შესაძლოა, ავტორი მის უტყუარობას ამტკიცებდეს არ შეიძლება, მიჩნეულ იქნას საკმარისად სარწმუნო წყაროდ. როგორც ზემოთ მოცემული მაგალითებიდან ჩანს, დეზინფორმაციის გამავრცელებელი მედიასაშუალებების უმრავლესობა არა თუ არ სთავაზობს მკითხველს ინფორმაციის გადამოწმებას, არამედ დეზინფორმაციის დადასტურების შემდეგაც არ ასწორებს მას. მოცემულ პროცესზე დაკვირვება კი აჩენს საფუძვლიან ვარაუდს, რომ საქმე, უმეტესად, კოორდინირებულ ქმედებასთან გვაქვს და ექსპერტთა განსაზღვრული წრის შეთანხმებულ მოვალეობას წარმოადგენს, სამთავრობო სააგენტოებს სასურველი დეზინფორმაციული ან პროპაგანდისტული გზავნილები მიაწოდონ“,- ნათქვამია ინფორმაციაში.

დეტალური ინფორმაცია შეგიძლია იხილოთ აქ - https://isfed.ge/geo/blogi/dezinformatsiis-tsarmoeba-eqspertebis-sakhelit-fbclid=IwAR1wYWblVitecjJbCVuosKmnRyTRcL6DXoEYvPSD64CcaoDUoy_9HiqOcos.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 08.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ