თბილისის უსინათლო და მხედველობა დაქვეითებულთა 202-ე საჯარო სკოლა-პანსიონს რელიგიის საკითხთა სახელმწიფო სააგენტოს წარმომადგენლები ეწვივნენ. ინფორმაციას რელიგიის საკითხთა სახელმწიფო სააგენტო ავრცელებს.

მათივე ცნობით, სააგენტოს თანამშრომლებმა, სკოლის 50-მდე მოსწავლეს საჩუქრები გადასცეს.

„რელიგიის სააგენტოს სტრატეგიული კვლევის, ანალიზისა და რეგიონების სამსახურის უფროსმა, ნინო ჭავჭავაძემ და სააგენტოს თანამშრომელმა, ხატია გაბისონიამ სკოლის 50-მდე მოსწავლეს სხვადასხვა საჩუქრები, სააგენტოს მიერ ბრაილის შრიფტით გამოცემული სახარება და ყოველწლიური ინტერ-რელიგიური კალენდრები გადასცეს.

სკოლის დირექციამ სააგენტოს გაწეული დახმარებისათვის მადლობა გადაუხადა. როგორც სტუმრებმა აღნიშნეს, საქველმოქმედო აქციებს და მოსწავლეთა დახმარებას ისინი სამომავლოდაც გეგმავენ,“ - აღნიშნულია ინფორმაციაში.